Грамадства22

Ноўтбук не прывязуць, а красоўкі — калі ласка. Ці можна замовіць тавары з Польшчы пасля абмежаванняў на вываз?

Да ўвядзення абмежаванняў на вываз тавараў з Польшчы ў Беларусь многія беларусы куплялі адзенне, абутак, электроніку і касметыку з Еўропы праз пасярэднікаў — так званыя баеры вазілі тавары з Польшчы. Журналіст Most паспрабаваў замовіць баерам прадукцыю з польскіх крамаў з дастаўкай у Беларусь і са здзіўленнем выявіў: схема ўсё яшчэ працуе, хоць чакаць прыйдзецца даўжэй, чым раней, а прывезці гатовыя не ўсё.

Тэрміны дастаўкі змяніліся

Першага пасярэдніка знайшлі ў інстаграме па запыце «Баер Мінск». У сторыс ён прапануе купіць касметыку, на хайлайтары абяцае 20-працэнтную зніжку.

Адзін з хайлайтараў знаходзіцца на польскім сайце Notino.pl. Тут ён прадаецца за 226 злотых, а са зніжкай — за 203,4 злотага. Баер на пытанне, колькі абыдзецца купля гэтага тавару ў яго, адказвае, што 187 беларускіх рублёў. Гэта крыху менш за 230 злотых па афіцыйным курсе — на 13% даражэй, чым са зніжкай на польскім сайце.

На пытанне, ці доўга давядзецца чакаць тавар, баер паведамляе, што тэрміны дастаўкі ў апошні час змяніліся. Набытая касметыка прыедзе ў Мінск цягам 10-14 дзён, а раней пакупка даязджала да кліента менш чым за 10.

«Раней вазілі, але ў апошнія дні — не»

Наступны акаўнт прадае ў асноўным абутак. Ці можна тут замовіць мужчынскія красоўкі Nike? Прадавец гатовы прывезці іх за 410 рублёў, але яшчэ 141 рубель давядзецца заплаціць за дастаўку. У той жа час гатовыя зрабіць 15%-ную зніжку на паслугі баера, таму за прывоз трэба будзе даплаціць 120 рублёў.

У выніку красоўкі абыдуцца ў 530 рублёў. Гэта каля 650 злотых, а ў Польшчы іх можна набыць за 500. Тэрмін дастаўкі — да 30 дзён, але, па запэўненнях баера, у сярэднім чакаць даводзіцца дзён з 10—14. А як доўга тавары ехалі раней?

«Да 20 дзён, але мы заўсёды спраўляліся раней», — адказвае прадавец.

На ўсялякі выпадак у яго запыталіся, ці не зможа пасярэднік купіць у Польшчы іншыя неабходныя тавары: ноўтбук, тэлевізар і планшэт. Прадавец адказвае, што раней іх вазілі, але ў апошнія дні — не. Прычына — сітуацыя на мяжы.

«Гатовыя цалкам згарнуць бізнэс»

Вадзім (імя зменена) пэўны час таму таксама вазіў у Беларусь тавары. З ягоных слоў, праз уведзеныя абмежаванні праблемы ў баераў узніклі з дарагімі таварамі, кошт якіх пачынаецца ад 1000 еўра. А больш танныя рэчы яны гатовыя вазіць, як і раней, прычым прыкладна па тых жа цэнах.

Праўда, ехаць пакупкі цяпер будуць да кліента крыху даўжэй: многія сталі вазіць тавары праз Літву. Зрэшты, Вадзім не выключае, што правілы вывазу зробіць больш жорсткімі і гэтая краіна.

«Тады тавары не будуць ісці і праз Літву. Многія баеры рыхтуюцца да таго, каб цалкам згарнуць свой бізнэс. Але, магчыма, сітуацыя і палепшыцца. Хто ведае, можа быць, заўтра Лукашэнка Пачобута выпусціць і палякі дазволяць беларусам правозіць тавары. Або зусім возьмуць і пагранпераходы дадатковыя адкрыюць. Усякае можа быць», — лічыць ён.

@nashaniva Увага! Польшча перастала пускаць фуры з Беларусі #дальнобойщики #дальнобой #белорусывпольше #беларусь #польша #нашаніва ♬ Suspense Thriller - Nitesail

Каментары2

  • хтосьці
    09.07.2024
    "...можа быць, заўтра Лукашэнка Пачобута выпусціць і палякі дазволяць беларусам правозіць тавары."
    Можа быць, урэшце здагадаецеся, хто галоўны інтэрэсант перакрыцця пасажырскага трафіку?
    Калі ўжо палякі перастануць шукаць там, дзе светла, а не там, дзе згубілі? Ну проста немагчыма спакойна назіраць чарговае шкодніцтва!
  • Язэп
    10.07.2024
    Боже, какой бред я только что прочитал. Ограничения введены санкциями ЕС. Санкции - за войну, а не за Почобута.

Замах на Дональда Трампа: у яго стралялі ў час выступу ў Пенсільваніі2

Замах на Дональда Трампа: у яго стралялі ў час выступу ў Пенсільваніі

Усе навіны →
Усе навіны

У Салігорскім раёне знайшлі вусеня вельмі рэдкага матылька. Чаму мы так рэдка яго бачым?3

Што адбываецца на мяжы з Польшчай перад выходнымі

«Замоў вельмі шмат». Польскі рэстаран арганізаваў дастаўку піцы проста ў чаргу на мяжы з Беларуссю1

Полк Каліноўскага абверг паведамленне Мінабароны Беларусі аб гібелі Яна Рудзіка3

У Іспаніі даказалі гіпотэзу 54-гадовай даўніны вядомага матэматыка родам з Кобрына

Пад Варшавай трагічна загінуў 31-гадовы беларускі раварыст Аляксандр Пуставітаў4

Чаму ў гарачыя дні часта баліць галава і як ад таго ўберагчыся

У мястэчку Гарадок на Беласточчыне сёння пачаўся фестываль Tutaka

Міліцыя страляла ў двары мінскага шматпавярховіка. Што здарылася?

больш чытаных навін
больш лайканых навін

Замах на Дональда Трампа: у яго стралялі ў час выступу ў Пенсільваніі2

Замах на Дональда Трампа: у яго стралялі ў час выступу ў Пенсільваніі

Галоўнае
Усе навіны →