Грамадства3737

Беларуская «Карчма 1863» у Вільні на мяжы закрыцця. Што адбылося?

У інстаграме «Карчмы 1863» — беларускага кафэ ў Вільні — з’явіўся допіс пра тое, што ўстанова цяпер у складанай сітуацыі і можа закрыцца напрыканцы лета. Саўладальнік «Карчмы 1863» Ілля Ясінскі распавёў «Нашай Ніве», што адбываецца.

«Карчма 1863». Фота: «Наша Ніва»

— Нас напаткалі фінансавыя цяжкасці. І цяпер мы на перакрыжаванні: не ведаем, што рабіць далей. З фінансавага пункту гледжання трэба зачыняць гэтую справу, але вельмі не хочацца, бо сапраўды ўклалі свае сілы. Гадавалі, аберагалі — рабілі ўсё, што маглі. Здаецца, патрацілі ўсе свае фізічныя, маральныя і фінансавыя сродкі.

«Карчма 1863» сутыкнулася з шэрагам цяжкасцяў. Адным са звёнаў у ланцужку праблем Ілля лічыць бухгалтара, якога нанялі па чужой рэкамендацыі. 

— Але гэта аказаўся вельмі некампетэнтны чалавек. Ён натварыў бед у нашай бухгалтэрыі. І калі мы пачалі размаўляць з іншымі беларусамі, высветлілася, што ад яго некампетэнтнасці пацярпелі не толькі мы. Потым знайшлі іншых бухгалтараў, і яны некалькі месяцаў разбіралі ўсе завалы ў нашай бухгалтэрыі.

Яшчэ адна з праблем — складанасці ў адносінах з суседзямі. Ілля кажа, што з гэтым сутыкаюцца многія рэстаранныя бізнэсы, якія знаходзяцца ў жылых дамах.

— Адна жанчына нават хвалілася, што яна закрыла некалькі кафэшак дзякуючы бясконцым скаргам.

Адзначыў сузаснавальнік «Карчмы» і невялікі перыяд, калі, па яго словах, актывізаваліся прарасійскія сілы, якія хацелі прамацаць антыбеларускія настроі ў літоўскім грамадстве і штучна імкнуліся стварыць канфліктныя сітуацыі.

Праз усё гэта і ўзніклі фінансавыя складанасці. 

— Гэта даволі складаная тэма — рабіць нешта, заснаванае на адметнасці беларусаў, на нашай гісторыі і культуры. У першую чаргу складана з фінансавага пункту гледжання. Але я разумею, што гэта важна. Гэта дае асэнсаванасць жыцця, на мой погляд.

Па адчуваннях Іллі, не ўсе беларусы змаглі перамагчы страх: нехта баіцца зайсці ў «Карчму», бо думае, што можа некалі паехаць у Беларусь — а раптам усплыве дзе фота на фоне бел-чырвона-белага сцяга.

Ілля кажа, што асноўныя варыянты два: ці мяняцца, ці закрывацца.

— Таму мы вырашылі звярнуцца да беларусаў у Вільні, бо ў першую чаргу мы адкрывалі «Карчму» для і пра беларусаў. Нам трэба зразумець, ці патрэбна гэтае месца, ці вялікае кола тых людзей, каму падабаецца тое, што мы робім.

Ён адзначае, што, як толькі з'явіўся пост у інстаграме, шмат людзей (не толькі беларусаў) пачало прыходзіць у «Карчму», казаць словы падтрымкі.

— Нам задаюць пытанні: «А што далей?». Калі некалькі месяцаў з дапамогай мы пратрымаемся і выкарабкаемся, плануем больш пашырацца на літоўскую аўдыторыю і на турыстаў-замежнікаў. І ў гэтым бачым сваю місію.

Бо калі першай місіяй было зрабіць месца для беларусаў, расказваць маладым беларусам пра нашу гісторыю, то цяпер мы плануем распавядаць замежнікам, што беларусы — гэта людзі, якія змагаюцца, любяць волю. Расказваць пра тое, як мы можам аб'ядноўвацца і даваць адпор таталітарызму.

Беларусы, якія жывуць у іншых краінах, таксама могуць падтрымаць «Карчму 1863» і заданаціць — ці проста зрабіць рэпост, распавесці ў сваіх сацыяльных сетках пра беларускае месца, напісаць водгук.

Валун, які стаіць у падвале ў карчме. Лічыцца, што гэта паганскі алтар з капішча. Фота: «Наша Ніва»

Сам Ілля часова працуе на бары і любіць размаўляць з наведвальнікамі.

— Напрыклад, нядаўна зайшла жанчына, замовіла безалкагольны напой. Я нават не адразу зразумеў, адкуль яна, бо размаўляла з польскім акцэнтам. А потым яна глядзіць на сцены з фотаздымкамі: «А божачкі, гэта ж мая гісторыя, Эмілія Плятэр!». Высветлілася, што гэта беларуска, якая ў Літве працуе настаўніцай польскай мовы. Яна з такім натхненнем пра ўсё гэта расказвала.

Час ад часу заходзяць і замежнікі:

— Былі італьянцы, немцы, якія глядзелі на нашу «Карчму 1863» як на невялікі музей. Я распавядаў ім пра нашых герояў. Мне здаецца, гэта важна для таго, каб падтрымліваць брэнд Беларусі.

Дзякуй тым, хто нас падтрымлівае. Прыходзьце — у нас смачныя сняданкі і не толькі. Будзем далей шукаць цікавыя стравы беларускай кухні.

Каментары37

  • Інста-лідарка
    10.07.2024
    А Гарошын з Мадэйры не аб'явіў яшчэ збор данатаў праз Байсол на адкрыццё трох рэстарацый? Менш за 80 тысяч не пераводзіць!
  • Человек
    10.07.2024
    Открыли карчму для белорусов, но назвали в честь польского восстания
  • Жыву ў Вільні
    10.07.2024
    Карчма патрэбная. Ходзім туды раз-пораз. Вельмі падабаецца і атмасфера (беларускасць ва ўсім), і ежа. Але ж, нажаль, не кожны дзень і нават не кожны тыдзень можам вас наведаць. :(

Стала вядома пра арышт гісторыка Ігара Мельнікава8

Стала вядома пра арышт гісторыка Ігара Мельнікава

Усе навіны →
Усе навіны

У возеры Свіцязь забаранілі купацца. У чым прычына?

Mercedes урэзаўся ў Fiat, а пасля збіў двух чалавек

Трамп стаў найстарэйшым кандыдатам на пасаду прэзідэнта ЗША ў гісторыі5

Мінск апынуўся ў топе самых танных гарадоў свету — за жыллё трэба плаціць у 10 разоў менш, чым у Нью-Ёрку6

Першыя праблемы беларусаў на Алімпіядзе ў Парыжы. Весляры ўжо там, а лодкі не прапусцілі 

Топавы амерыканскі часопіс спрагназаваў, колькі беларусы заваююць медалёў на Алімпіядзе. У расіян будзе нуль

Харыс заручылася дастатковай падтрымкай для вылучэння кандыдатам у прэзідэнты

Пуцін зрабіў Z-спевака Шамана заслужаным артыстам Расіі5

Еўрасаюз пачынае перамовы пра бязвізавы рэжым з Арменіяй3

больш чытаных навін
больш лайканых навін

Стала вядома пра арышт гісторыка Ігара Мельнікава8

Стала вядома пра арышт гісторыка Ігара Мельнікава

Галоўнае
Усе навіны →