Свет77

Расійскі амерыканец Джэф Монсан начапіў майку са свастыкай. Але яму за гэта нічога не будзе

53-гадовы колішні баец ММА Джэф Монсан, які нарадзіўся і большую частку жыцця правёў у ЗША, але ў 2013 годзе пераехаў у Расію, прыняўшы мясцовае грамадзянства і адмовіўшыся ад амерыканскага, дням апублікаваў сваё фота ў майцы з нацысцкай свастыкай. Але караць яго за гэта ніхто не збіраецца. 

Джэф Монсан (справа) у майцы са свастыкай

Рэч у тым, што Монсан не толькі надрукаваў свастыку, але паралельна змясціў на майцы антыізраільскія матывы. Маўляў, такім чынам ён пратэстуе супраць фашызму ў любой яго праяве.

«На жаль, сёння ў свеце праз столькі гадоў зноў узнікае пагроза фашызму. Па іроніі лёсу, менавіта Ізраіль, краіна, якая стала ахвярай нацыстаў, цяпер займаецца генацыдам і этнічнымі чысткамі ў Палесціне пры падтрымцы ЗША», — заявіў колішні амерыканскі грамадзянін, а цяпер апантаны прыхільнік Пуціна і дэпутат рэгіянальнага парламента Башкартастана. 

Гэты парламент, дарэчы, таксама не збіраецца ладзіць ніякага разбіральніцтва з нагоды фота свайго дэпутата. Ягоны спікер заявіў, што, маўляў, западозрыць байца MMA ў сімпатыях да нацызму нельга, а малюнак на ягонай футболцы змяшчае відавочнае асуджэнне праяў фашызму ў любой форме.

Як баец ММА Джэф Монсан дасягнуў вядомасці і асноўных поспехаў у нулявыя гады. Падчас жыцця ў Амерыцы ён адзначаўся прыхільнасцю да крайне левых поглядаў, сярод іншага дэманструючы сімпатыі да пуцінскай Расіі. 

22 сакавіка 2013 года Джэф Монсан заявіў, што гатовы памяняць грамадзянства ЗША на грамадзянства Расіі і свае намеры ўрэшце здзейсніў. Расійскае грамадзянства для яго было ўхвалена ў снежні 2015 года і нададзена ўказам Пуціна 28 мая 2018 года. У 2023 годзе Монсан канчаткова выйшаў з амерыканскага грамадзянства. У Расіі ж ён горача падтрымлівае ўсё, што робіць пуцінскі рэжым, неаднойчы наведваючы самаабвешчаныя рэспублікі і выказваючыся ў іх падтрымку.

У верасні 2023 года Монсан быў абраны ў парламент Рэспублікі Башкартастан, а таксама ўваходзіў у каманду Пуціна на апошніх прэзідэнцкіх выбараў у Расіі. У чэрвені 2024 года публічна прыняў іслам у цэнтры Масквы ў знак салідарнасці і падтрымкі Палесціны.

Каментары7

  • Так
    10.07.2024
    Россия должна быть уничтожена, фафызм тут, фафызм там, смешна чуць, як усе абзываюцца гэтым тэрмінам, якога не разумеюць. І ўсё на фоне, што многія беларусы не хочуць бачыць відавочны працяг СССР - РФ, а таксама рэсаветызацыі ў РБ.
  • Так
    10.07.2024
    Можна дадаць, што прапалестынскія і антыізраільскі сілы падтрымліваюць шматлікія левыя, асабліва левыя на Захадзе. У тым ліку сацыяліст і былы камуніст Жан-Люк Мэлэншон, якога кааліцыя атрымала найбольш галасоў ва Францыі. Ужо не кажучы пра розных BLM актывістаў.

    А вось правыя, якіх у СМІ любяць называць "крайнеправымі", або "ультраправымі", падтрымліваюць Ізраіль. Таму многія вядомыя франузскія жыды галасавалі на RN.
  • Так
    10.07.2024
    І з улікам таго, што ў іншых месцах (а ў іншых не) падкрэсліваецца светапогляд ці палітычная арыентацыя, можна было напісаць, што Монсон - анархіст.

Хрэнін пасля загаду Лукашэнкі імгненна пачаў адводзіць войскі з паўднёвай мяжы5

Хрэнін пасля загаду Лукашэнкі імгненна пачаў адводзіць войскі з паўднёвай мяжы

Усе навіны →
Усе навіны

Што адбываецца на мяжы з Польшчай перад выходнымі

«Замоў вельмі шмат». Польскі рэстаран арганізаваў дастаўку піцы проста ў чаргу на мяжы з Беларуссю1

Полк Каліноўскага абверг паведамленне Мінабароны Беларусі аб гібелі Яна Рудзіка3

У Іспаніі даказалі гіпотэзу 54-гадовай даўніны вядомага матэматыка родам з Кобрына

Пад Варшавай трагічна загінуў 31-гадовы беларускі раварыст Аляксандр Пуставітаў4

Чаму ў гарачыя дні часта баліць галава і як ад таго ўберагчыся

У мястэчку Гарадок на Беласточчыне сёння пачаўся фестываль Tutaka

Міліцыя страляла ў двары мінскага шматпавярховіка. Што здарылася?

У Беларусі зноў пастрожылі палітычны фільтр для экскурсаводаў. Што змянілася ў правілах атэстацыі?2

больш чытаных навін
больш лайканых навін

Хрэнін пасля загаду Лукашэнкі імгненна пачаў адводзіць войскі з паўднёвай мяжы5

Хрэнін пасля загаду Лукашэнкі імгненна пачаў адводзіць войскі з паўднёвай мяжы

Галоўнае
Усе навіны →