У Савецкае РУУС звярнуўся мінчук з заявай аб знікненні сумкі з асабістымі рэчамі, грашыма і дакументамі. Сума ўсіх ягоных страт склала больш за 600 рублёў, паведамляе УУС Мінскага гарвыканкама.
Пацярпелы адпачываў на пляжы Цнянскага вадасховішча і вырашыў выкупацца. Сумку ён пакінуў без нагляду на беразе, а калі вярнуўся, то сваіх рэчаў на месцы не знайшоў.
Неўзабаве па падазрэнні ў крадзяжы затрымалі 57-гадовага жыхара Мінска. Ён заўважыў пакінутыя без нагляду рэчы і, каб адцягнуць увагу іншых людзей, размясціўся каля іх. Пасля таго ён паклаў сумку заяўніка ў свой заплечнік і пайшоў з пляжа. Але праз відэакамеры яго знайшлі.
Вядома, што скрадзеныя грошы фігурант паспеў выдаткаваць на асабістыя патрэбы.
Лукашэнка ўводзіць новы артыкул у Крымінальны кодэкс — да 8 гадоў зняволення за пагрозы былому прэзідэнту і членам яго сям'і16
Каментары