Карлас Алькарас другі раз выйграў Уімблдон, ён зноў перамог Джокавіча
Іспанец адолеў серба ў трох сэтах: 6:2, 6:2, 7:6 (7:4). Трафей уручала Алькарасу прынцэса Кейт, якая змагаецца з анкалогіяй і рэдка з'яўляецца на людзях.
![](http://nashaniva.com/img/w840d4webp1/photos/z_2024_07/alcaraz_ap240714-fpk1f.jpg.webp)
Алькарас стаў чэмпіёнам Уімблдона другі раз запар. У леташнім фінале іспанец абыграў серба ў пяці сэтах.
У 21-гадовага іспанскага тэнісіста ўжо чатыры перамогі на турнірах Вялікага шлема. Раней ён выйграваў Ралан Гарос (2024) і US Open (2022).
У Джокавіча — сем тытулаў на Уімблдоне і 24 на турнірах Вялікага шлема (Адкрытыя чэмпіянаты Аўстраліі і ЗША, Уімблдон, а таксама Ралан Гарос) — гэта рэкорд сярод мужчынаў.
Што праўда, Новак Джокавіч некалькі тыдняў таму перанёс аперацыю на калене і быў не ў лепшай форме, але дайшоў да фіналу.
![](http://nashaniva.com/img/w732d4webp1/photos/z_2024_07/kate_ap240714-abspf.jpg.webp)
Трафей Алькарасу ўручыла прынцэса Кейт Мідлтан, што ўжо некалькі месяцаў змагаецца з анкалогіяй. Учора Кенсінгтонскі палац урачыста абвясціў яе прысутнасць на фінале.
Каментары