Кіраўнік сацсеткі X, кампаній Tesla і SpaceX размясціў карыкатуру, дзе чалавек з эмблемай X спакойна курыць у баку, пакуль іншыя, якія ўвасабляюць Microsoft, сутаргава бегаюць туды-сюды.
Маск таксама нагадаў аб уласным каламбуры 2021 года «Macrohard >> Microsoft». Назва карпарацыі ўтворана ад слоў microcomputer і software, але даслоўна яго можна перавесці як «дробнамяккі». Маск выкарыстаў матэматычны знак «шмат больш» (>>), пажартаваўшы, што значна лепш працавала б кампанія «буйнацвёрды», піша Bild.
З-за праблем у абнаўленні праграмы для IT-бяспекі Crowdstrike сёння збояць сістэмы Microsoft па ўсім свеце.
Перастаў працаваць аэрапорт Берліна, а таксама Гамбурга, Сіднэя, гарадоў ЗША, Іспаніі і Турцыі. У Аўстраліі зачыніліся супермаркеты, у Японіі — кафэ McDonald's. У Германіі аб праблемах з камп'ютарамі паведаміў аўтавытворца Mercedes.
Урад Аўстраліі склікаў экстраную нараду з-за IT-збою.
Цяпер чытаюць
«З расіян-наведнікаў працэнтаў 70 аказваліся ватнікамі». Экс-гід з музея ВАВ, якога затрымлівалі яго ж экскурсанты, цяпер папулярны ў Варшаве — пагутарылі з ім14
Каментары