Пад удар трапіў порт, які забяспечвае паромную пераправу праз Керчанскі праліў, там жа размешчаны грузавы тэрмінал для перавалкі экспартнай нафты. Адзін чалавек загінуў, некалькі пацярпелі, піша РБК.
Украінскія беспілотнікі атакавалі паромнае судна ў порце Каўказ, пачаўся лакальны пажар, пагрозы распаўсюджвання агню няма, паведаміў Краснадарскі губернатар Веніямін Кандрацьеў.
«На жаль, сярод членаў экіпажа і супрацоўнікаў порта ёсць пацярпелыя і загінулы. Выказваю шчырыя спачуванні родным і блізкім. Пацярпелым аказваюць усю неабходную дапамогу»,-напісаў кіраўнік рэгіёну ў тэлеграм-канале.
Порт Каўказ знаходзіцца ў Керчанскім праліве, пасажырскі тэрмінал забяспечвае паромную пераправу паміж Крымам і Краснадарскім краем і лічыцца адным з найбуйнейшых у Расіі. Акрамя таго, праз яго праходзяць кантэйнерныя, сухія, вадкія і сыпкія генеральныя грузы, грузавы тэрмінал здольны перавальваць вялікія аб'ёмы нафты на экспарт.
Порт размешчаны прыкладна за 12 км на поўнач ад Крымскага моста.
Каментары