У Мінску можа з'явіцца помнік качцы, за лёсам якой нядаўна сачылі гараджане
У пачатку лета сталічныя блогеры, а ўслед за імі і астатнія мінчукі сачылі за лёсам качкі, якая нечакана звіла гняздо ў цэнтры горада. Птушка нагледзела сабе клумбу каля будынка «экс-Кемпінскі», дзе размяшчаецца офіс Сбер Банка ў Мінску. Фінансісты таксама не абышлі птушку сваёй увагай — падкормлівалі і ахоўвалі яе, а цяпер задумаліся, ці не паставіць у гонар качкі-маці помнік, піша Office Life.
Цікава, што качка пасялілася каля ўваходу ў офіс акурат у той дзень, калі ў Сбер Банку змяніўся старшыня праўлення.
«У карпаратыўных чатах качку абмяркоўвалі нават больш, чым маё прызначэнне, — смяецца Яўген Елісееў, але прызнаецца, што і сам сачыў за лёсам качкі. Птушку назвалі Капейка, падкормлівалі, назіралі за ёй па відэакамерах, каб не турбаваць, а клумбу з гняздом абгарадзілі чырвонай стужкай.
«А калі выявілі ў нейкі момант, што качка некуды пайшла, пакінуўшы яйкі, сур'ёзна абмяркоўвалі, што будзем рабіць, калі яна не вернецца», — успамінаюць у банку.
Качка, на шчасце, вярнулася, а ў банку на ўсялякі выпадак дамовіліся з адміністрацыяй будынка, каб побач з гняздом некаторы час не мылі вокны на першым паверсе: гэта трывожыла птушку.
Праз некаторы час пасля таго, як качаняты вылупіліся, качка перасялілася з імі на Свіслач. У Сбер Банку ж вырашылі гэтую гісторыю ператварыць у маркетынгавую актыўнасць. Адзін з варыянтаў, па словах старшыні праўлення Яўгена Елісеева, — гэта стварэнне лінейкі прадуктаў, дзе будзе выкарыстоўвацца вобраз качкі.
Акрамя таго, у банку задумаліся пра помнік Сберкачцы.
Жыхар Іванава сплаціў $600 тысяч кампенсацыі за данаты, але ўсё адно атрымаў 5,5 года зняволення3
Жыхар Іванава сплаціў $600 тысяч кампенсацыі за данаты, але ўсё адно атрымаў 5,5 года зняволення
«На працягу 30 гадоў незалежнасці беларускамоўныя бюлетэні задавальнялі ўсіх». Камуністы абвінавацілі Бондараву ў распальванні варожасці на моўнай глебе1515
Каментары