Яго падазраюць у злоўжыванні паўнамоцтвамі пры выкананні дзяржабаронзаказу.
У Маскве затрыманы генеральны дырэктар вайскова-будаўнічай кампаніі Мінабароны Расеі Андрэй Бялкоў.
Яго падазраюць у злоўжыванні паўнамоцтвамі пры выкананні дзяржабаронзаказу, а менавіта ў закупцы тамографа завышанымі коштамі для ведамаснага лячэбна-дыягнастычнага цэнтра. Шкода ацэньваецца ў дзясяткі мільёнаў расійскіх рублёў, піша «Радыё Свабода» са спасылкай на «Коммерсант».
Адзначаецца пры гэтым, што на момант здзяйснення меркаванага злачынства быў кіраўніком іншай ваеннай арганізацыі — «галоўнага ваенна-будаўнічага ўпраўлення па спецыяльных аб'ектах», і што працу затрыманага курыраваў арыштаваны раней па абвінавачванні ў карупцыі намеснік міністра абароны Цімур Іваноў.
Крыніцы «Коммерсанта» сцвярджаюць, што раней ён ужо меў зносіны са следчымі ў сувязі з крымінальнай справай аб махлярстве ў асабліва буйным памеры супраць яго знаёмай Алены Ляховіч і яе галоўнага бухгалтара Віктара Білько. Іх затрымалі летась у кастрычніку, цяпер абодва знаходзяцца пад хатнім арыштам. Іх справа таксама звязана з выкананнем кантракта на пастаўку і мантаж тамографа.
«З расіян-наведнікаў працэнтаў 70 аказваліся ватнікамі». Экс-гід з музея ВАВ, якога затрымлівалі яго ж экскурсанты, цяпер папулярны ў Варшаве — пагутарылі з ім1414
Каментары