Павел Латушка стаў лаўрэатам прэміі «Салідарнасць» імя Леха Валэнсы
Прэмія «Салідарнасць» прысуджаецца польскім МЗС як прызнанне заслуг у прасоўванні і падтрымцы дэмакратычных каштоўнасцяў. Сёлета рашэнне было прынята аднагалосна капітулай, у якой старшынствуе сам лаўрэат Нобелеўскай прэміі міру Лех Валэнса, паведаміла Міністэрства замежных спраў Польшчы.
Узнагароду ўручаць на ўрачыстай цырымоніі ў Варшаве 18 верасня. Намінаваў на яе беларускага палітыка сам міністр замежных спраў Польшчы Радаслаў Сікорскі.
«Успрымаю гэта як важны палітычны мэсэдж з боку Польшчы аб стратэгічнай падтрымцы дэмакратычных памкненняў беларусаў.
Адначасова гэта прызнанне дзейнасці ўсёй нашай каманды, якая вядзе барацьбу за свабодную, дэмакратычную, еўрапейскую і незалежную Беларусь, і ўсіх беларусаў, хто змагаецца за свабоду для беларускай нацыі», — пракаментаваў узнагароду Павел Латушка.
Паўла Латушку выклікалі ў польскую пракуратуру
Латушка: прыгаворанага да расстрэлу Крыгера могуць абмяняць на супрацоўніка ФСБ Красікава
Польскія спецслужбы расследуюць пагрозу забойства Паўла Латушкі
Латушка заклікаў журналістаў і праваабаронцаў з Еўропы скарыстацца з бязвізу
Латушка: Я магу баяцца піць ваду ці каву ў грамадскіх месцах
Каментары