Латушка заклікаў журналістаў і праваабаронцаў з Еўропы скарыстацца з бязвізу
Кіраўнік Народнага антыкрызіснага ўпраўлення Павел Латушка станоўча ацаніў прынятае сёння ў Мінску рашэнне аб пашырэнні з 19 ліпеня бязвізавага рэжыму на грамадзян не толькі Польшчы, Літвы і Латвіі, але таксама і яшчэ 35 еўрапейскіх краін.
«Я думаю, што гэтым абавязкова варта скарыстацца ў першую чаргу журналістам і праваабаронцам з Еўропы.
Прыехаць і пагутарыць з сем'ямі палітвязняў, былымі палітвязнямі, падтрымаць іх, дапамагчы па магчымасці. З'ездзіць да турмаў, да «Акрэсціна». Наведаць магілы забітых рэжымам Лукашэнкі мірных пратэстоўцаў і палітвязняў, ушанаваць памяць загінулых ад рук рэжыму людзей. З'ездзіць у Курапаты.
У гэтым жа няма нічога супрацьзаконнага, праўда?», — кіруе Латушка рытарычнае пытанне да міністра замежных спраў Беларусі Максіма Рыжанкова.
«Не буду падказваць далей, але спадзяюся, што знойдуцца смелыя людзі, якія будуць гатовыя прыехаць і даведацца праўду пра рэжым і пра тое, як ён здзекуецца з беларусаў», — гаворыць Латушка.
«Карацей, Максім, на мой погляд, ты ўсё правільна зрабіў. Вы ж не будзеце цяпер словы назад забіраць? Бязвіз — значыць бязвіз!», — заяўляе палітык.
Палітвязняў па ўсёй краіне апытваюць: пасля памілавання вы хочаце застацца ў Беларусі ці з'язджаць?9
Палітвязняў па ўсёй краіне апытваюць: пасля памілавання вы хочаце застацца ў Беларусі ці з'язджаць?
Агентка Кардаш выкарыстоўвала сэкс, каб збіраць інфармацыю пра каліноўцаў і завербаваць украінскага камандзіра. А куратару КДБ пісала пра яго: «Мой лох»3535
Каментары
А былы амбасадар Латушка хай лепш сам спачатку распавядзе гэтым журналістам і праваабаронцам, якіх ён скіроўвае ў Беларусь, як ён асабіста ўсё жыццё будаваў разам з Лукашэнкам гэтую самую дыктатуру.