36-гадовага жыхара Дрыбінскага раёна абвінавачваюць у забойстве ўласнай бабулі. Канфлікт, які абярнуўся трагедыяй, адбыўся пасля таго, як 81-гадовая жанчына папрасіла ўнука спыніць выпіваць дома.
Адбывалася ўсё з 13 па 16 ліпеня. Мужчына піў у сваёй кватэры. Разам з ім жыла яго старэнькая бабуля, якая, будучы інвалідам I групы, не магла самастойна перасоўвацца.
«На зробленую бабуляй заўвагу аб спыненні ўжывання алкаголю ўнук нанёс ёй не менш за дзесяць удараў рукамі і нагамі па розных частках цела, у тым ліку ў галаву і па тулаве», — паведамляе пракуратура Магілёўскай вобласці.
Ад траўмаў жанчына памерла на месцы. Паведамляецца, што пасля гэтага абвінавачаны працягнуў выпіваць і некаторы час правёў у кватэры разам з целам бабулі. Міліцыю выклікалі суседзі.
Мужчыну ўзялі пад варту.
Цяпер чытаюць
Ціханоўская: Перамены ў Беларусі — гэта пытанне часу. Вось асноўныя тэзісы яе выступу на канферэнцыі «Новая Беларусь»23
Ціханоўская: Перамены ў Беларусі — гэта пытанне часу. Вось асноўныя тэзісы яе выступу на канферэнцыі «Новая Беларусь»
DDoS-атака ідзе на сайты адразу некалькіх беларускіх СМІ. Магчыма, яна звязаная з шостай гадавінай народнага ўздыму 2020‑га і канферэнцыяй «Новая Беларусь», што адкрылася сёння66
Каментары