Лукашэнка ўводзіць новы артыкул у Крымінальны кодэкс — да 8 гадоў зняволення за пагрозы былому прэзідэнту і членам яго сям'і
На Нацыянальным прававым партале з'явіліся прапановы ў Крымінальны кодэкс, распрацаваныя па загадзе Аляксандра Лукашэнкі.
Артыкул 366-1 Крымінальнага кодэксу будзе называцца «Гвалт альбо пагроза ў дачыненні да прэзідэнта Рэспублікі Беларусь, прэзідэнта Рэспублікі Беларусь, які спыніў выкананне сваіх паўнамоцтваў». Прычым гаворка не толькі пра «прэзідэнта», але і пра членаў яго сям'і.
За гвалт у іх адрас (ці пагрозы) альбо пашкоджанне іх маёмасці прапануецца прысуджаць ад трох да пяці гадоў хіміі альбо ад трох да васьмі гадоў калоніі.
Таксама прапануецца дапоўніць артыкулы 367 (паклёп на прэзідэнта) і 368 (абраза прэзідэнта). Калі змены ўступяць у сілу, то ў кодэкс дапішуць словы «былога прэзідэнта».
Законапраект будзе разглядаць парламент, пасля ён трапіць на подпіс да Аляксандра Лукашэнкі.
Цяпер чытаюць
«Узнікаюць уяўленні, што палітвязні мусяць быць стойкімі, сабранымі, удзячнымі. А рэальнасць розная». Пагаварылі з людзьмі, якія водзяць дэпартаваных літаральна за руку66
Каментары