Сёння ў Арменіі затрымалі Дзіяну Маісеенка. Дзяўчыну затрымалі па палітычна матываваным вышуку з боку Беларусі, паведаміў у фэйсбуку юрыст Алесь Міхалевіч.
«2 верасня а 9 гадзіне раніцы Дзіяна была затрымана пры перасячэнні мяжы Грузіі з Арменіяй, бо яна знаходзіцца ў вышуку ў Беларусі па адным з часта ўжываных беларускімі ўладамі палітычных крымінальных артыкулаў.
Ёй інкрымінуюць артыкул 342 ч.1 Крымінальнага кодэкса Рэспублікі Беларусь («Арганізацыя і падрыхтоўка дзеянняў, якія груба парушаюць грамадскі парадак, альбо актыўны ўдзел у іх»). У Беларусі ёй пагражае пазбаўленне волі на тэрмін да чатырох гадоў.
Зараз Дзіяна Маісеенка знаходзіцца ў аддзеле паліцыі горада Наемберан па адрасе: вул. Барэкамуцюн, 4», — напісаў Алесь Міхалевіч.
Ён паведаміў, што судовае пасяджэнне будзе прызначана ў бліжэйшы час.
«Маё адвакацкае бюро ўжо падключылася да гэтага працэсу. Думаю, што нам удасца адстаяць правы Дзіяны і дамагчыся адмовы ў яе экстрадыцыі з Арменіі, паколькі міжнароднае права забараняе экстрадыцыю асоб, якія праследуюцца па палітычных матывах, але патрэбная дапамога журналістаў і Офіса Ціханоўскай, які ўжо паінфармаваны», — дадаў ён.
«Адгукнуўся на 95% аб'яў — і ўсе адмовілі». Расіяніну не хочуць здаваць кватэру ў Гродне8
Каментары