Расійскі прапагандыст, пра смерць якога паведамляла ГУР Украіны, пакуль жывы
У дзяржаўнай тэлерадыёкампаніі «Белгарад» абверглі сцвярджэнні пра гібель свайго «ваенкара» Аляксандра Корабава. Хоць таго, што на яго быў напад, не адмаўляюць.
«Так, ён у бальніцы. Знаходзіцца ў бальніцы ў Маскве», — сказала дырэктарка ДТРК «Белгарад» Надзежда Уласава, адказваючы на пытанне адносна стану Корабава і атрыманых ім раненняў.
Белгарадскі тэлеграм-канал «Пепел» раней паведамляў, што прапагандыст шпіталізаваны ў цяжкім стане.
Раней Галоўнае ўпраўленне разведкі Мінабароны Украіны паведаміла, што расійскага прапагандыста Аляксандра Корабава па мянушцы «Краб» забілі 15 верасня ў Белгарадзе. Ён нібыта загінуў ад удару па галаве.
У пацвярджэнне інфармацыі ўкраінская разведка апублікавала відэа, на якім чалавек, падобны на Корабава, спачатку некуды ідзе, а пасля на фота ляжыць ужо нібыта мёртвы.
Цяпер чытаюць
Топавы перакладчык паехаў у Беларусь мяняць пашпарт — і сеў за данаты. «КДБ паглядзеў на суму і вырашыў, што ніхто ў здаровым розуме не можа выдаткаваць столькі ўласных грошай»3
Каментары