Грамадства44

Быў ксяндзом — стаў шматдзетным бацькам. Былы святар расказаў, што яго да гэтага падштурхнула

У Каталіцкай царкве ёсць выпадкі сыходу са святарства і манаства, але адкрыта казаць пра гэта не прынята. Выданне Katolik.life знайшло аднаго з такіх былых святароў, які расказаў сваю гісторыю.

Хатні алтар аднаго з былых святароў

Сваю гісторыю выданню расказаў Валянцін, які пакінуў святарства пасля двух гадоў служэння. Гэта адбылося больш за дзесяць гадоў таму. Цяпер ён мае сям'ю, працуе кіроўцам-дальнабойнікам.

Пра сваю сям'ю Валянцін расказваць не стаў — каб хтосьці не ўспрыняў гэта як рэкламу. Але калі ён быў святаром, адбылося так, што ён закахаўся:

«Па-чалавечы пакахаў дзяўчыну. І тады зразумеў, што не магу служыць і Богу, і мамоне. Усе мае думкі пра веру, пра служэнне, пра Бога пераключыліся на яе. Фізіялогія, псіхалогія, эмацыйны складнік, які захоплівае чалавека ўраз. Хто быў закаханым — той зразумее».

Валянцін кажа, што супраціўляўся гэтым думкам і гэтаму стану, прасіў Бога накіраваць:

«Разумеў, што трэба было выбраць нейкае адно служэнне. Я размаўляў пра гэта са сваім начальствам, але не ўбачыў падтрымкі. Я прасіў пра духоўныя практыкі, рэкалекцыі, заняткі. Але час тады быў складаны, было крыху не да мяне. У выніку я сам прыняў рашэнне, і нікога не вінавачу».

Як адзначае Валянцін, сыходу са святарства не папярэднічаў які-кольвек «крызіс веры», не паўстаў ён і потым:

«Былі моманты, калі я хаваўся ў цені ад Божага святла, але ніколі не адчуваў, каб Бог мяне пакінуў. Я адчуваю сябе любімым дзіцём Бога, Ён мяне засцерагае і любіць да гэтага часу. Нічога не змянілася. Я бачу, што Гасподзь накіроўвае мяне і ўдзячны Яму за гэта».

Што тычыцца паклікання, то цяпер Валянцін бачыць яго ў тым, каб верыць, служыць Богу і бліжняму:

«Ты святар, ты настаўнік, ты шахцёр, ты дворнік… Служыць на тым месцы, на якім Бог цябе паставіў. Я зразумеў, што сустрэў чалавека, які ва мне мае патрэбу. Напэўна, гэта ў пакліканні галоўнае. Я быў шчаслівы ў святарстве, але і не стаў нешчаслівы, калі стварыў сям'ю. Гэта таксама выдатна, і трэба радавацца таму, дзе ты ёсць, дзе цябе паставіў Бог».

Валянцін адзначае, што ягонае духоўнае жыццё практычна не змянілася: па нядзелях — святая Імша, штодзённая малітва па Брэвіярыі.

У той жа час ёсць выпадкі, калі сыходу святароў папярэднічала «страта веры», а ўжо потым яны заводзілі сем'і. 

Каментары4

  • Лепш быць добрым сем'янінам чым дрэнным святаром
    30.09.2024
    Сумленны чалавек. А вось персанажы, якія спрабуюць сумяшчаць і службу і схаваных дзяцей, ня маюць шчасця ні ў адным ні ў другім.
  • Ковыряй бревна
    30.09.2024
    Блажэнныя, ну ты о своем конце подумай лучше, братец.
  • Бібліятэкар
    01.10.2024
    А што ў Бібліі пра нешта іншае напісана? Не чытаюць, а пасля здзіўляюцца.

Цяпер чытаюць

«Гэта такая дробная, агідная помста Рамана». Соф’я Сапега расказала, як яе падманам знялі для перадачы Пратасевіча8

«Гэта такая дробная, агідная помста Рамана». Соф’я Сапега расказала, як яе падманам знялі для перадачы Пратасевіча

Усе навіны →
Усе навіны

Каля Канарскіх астравоў навукоўцы скідаюць у мора будаўнічае смецце. Навошта?

Бульбяная вайна паміж ЗША і Японіяй доўжыцца ўжо 76 гадоў. Чаму японцы не здаюцца?5

Еўропа створыць касмічны апарат для прыбірання смецця на арбіце

«Пуцін і Сі нам не сябры». Як на Захадзе рэагуюць на саміт Трампа ў Шэньджэні1

У Беларусі ўзрасла колькасць забойстваў2

«Святлана не прыйшла на стрым, сапсаваўшы мне дзень нараджэння і настрой і не падарыўшы ніякага падарунка»44

Стала вядома, як будзе выглядаць выпраўленая скульптура беларускай жанчыны ў Быхаве20

Зяць Трампа паведаміў, што Пуцін згодны на гарантыі Украіне паводле прынцыпу пятага артыкула НАТА5

«Будуць сядзець. Нават калі ў пяць, дзесяць разоў больш будзе». Лукашэнка не збіраецца спыняць рэпрэсіі, хоць Коўл і просіць70

больш чытаных навін
больш лайканых навін

«Гэта такая дробная, агідная помста Рамана». Соф’я Сапега расказала, як яе падманам знялі для перадачы Пратасевіча8

«Гэта такая дробная, агідная помста Рамана». Соф’я Сапега расказала, як яе падманам знялі для перадачы Пратасевіча

Галоўнае
Усе навіны →

Заўвага:

 

 

 

 

Закрыць Паведаміць