Свет11

Генсак НАТА заклікаў членаў альянсу ігнараваць ядзерныя пагрозы Пуціна

Генеральны сакратар НАТА Марк Рутэ мяркуе, што дзяржавы Альянсу не павінны баяцца ядзерных пагроз, якія практыкуе расійскі лідар Уладзімір Пуцін у спробе аслабіць вайсковую дапамогу Украіне з боку Захаду.

Марк Рутэ. Фота: AP Photo/Kin Cheung

На пытанне, ці варта саюзнікам па НАТА звяртаць увагу на расійскае «бразганне ядзернай зброяй», Рутэ адказаў, што не.

«Не, не варта, ды яны і не звяртаюць», — сказаў Марк Рутэ, якога цытуе Sky News.

Паводле слоў генсака Альянсу, ядзерныя вучэнні краін НАТА Steadfast Noon, якія пачынаюцца на наступным тыдні, прадэманструюць гатоўнасць арганізацыі адказаць на пагрозы Крамля.

«НАТА моцная. Мы можам супрацьстаяць любому суперніку. У нас ёсць усё неабходнае, каб гарантаваць бяспеку НАТА, супрацьстаяць любой пагрозе. І нас ніколі не запалохаюць краіны, якія не ўваходзяць у NATO, якія спрабуюць нам пагражаць. Гэта бескарысна, хай ён (Пуцін) лепш спыніць гэта рабіць», — падкрэсліў Марк Рутэ.

Таксама ён звярнуў увагу на тое, што цяпер важна, каб краіны правяралі і ўмацоўвалі абарону.

«Мы таксама ясна далі зразумець нашым праціўнікам, што гатовыя адказаць на любую пагрозу», — дадаў ён.

З панядзелка, 14 кастрычніка, НАТА пачне свае штогадовыя ядзерныя вучэнні Steadfast Noon. Раней Марк Рутэ ўжо заклікаў не слухаць ядзерныя пагрозы Расіі і падкрэсліў, што саюзнікі цяпер не бачаць прамых рызык прымянення ядзернай зброі.

Адказваючы на пытанне, ці не аслабляе Украіну тое, што саюзнікі, такія як Вялікабрытанія і ЗША, дагэтуль не далі дазволу Кіеву на выкарыстанне сваіх дальнабойных узбраенняў, напрыклад, крылатых ракет Storm Shadow, супраць цэляў на тэрыторыі Расіі, кіраўнік НАТА сказаў: «Я не ўпэўнены, што гэта так».

«Каб быць абсалютна зразумелым: галоўнае пытанне тут заключаецца ў тым, каб вайсковая дапамога працягвала паступаць ва Украіну, каб мы нарошчвалі таксама прамысловую вытворчасць ва Украіне, дапамагалі ім з гэтай масіўнай лагістыкай. Адна сістэма ўзбраенняў не зменіць зыход вайны», — мяркуе Рутэ.

Каментары1

  • Генsuck
    13.10.2024
    Боскі акронім.
 
Націсканне кнопкі «Дадаць каментар» азначае згоду з рэкамендацыямі па абмеркаванні.

33-гадовы Даніла Гаркавы, які нечакана пакінуў Офіс Ціханоўскай, расказаў пра сваю анкалогію і сем аперацый4

33-гадовы Даніла Гаркавы, які нечакана пакінуў Офіс Ціханоўскай, расказаў пра сваю анкалогію і сем аперацый

Усе навіны →
Усе навіны

У Кіеве з-пад руінаў дома ўсё яшчэ чутныя званкі тэлефонаў3

Святар Сяргей Трысцень знаходзіцца дома

Трамп: Мы маем дамову з Расіяй, зараз патрэбная згода Зяленскага9

«Мінімальны заробак доктара ў Польшчы большы, чым я мела ў беларускім прыватным цэнтры». Доктарка Маркелава — пра працу ў польскай бальніцы і выраб натуральнай касметыкі13

Памёр ваенны карэспандэнт расійскага тэлеканала «Звезда»1

Расія нанесла масіраваны ўдар па гарадах Украіны, у Кіеве — дзевяць загінулых, 63 параненыя2

Белы дом пра апошнюю заяву Трампа: у прэзідэнта «заканчваецца цярпенне»13

Шпакоўскі пра саўладальніка «Варгеймінга» Кацалапава: Прафінансаваў пратэсты на 296 тысяч даляраў13

Не кажы ты мне слоў, што не грэюць цяплом, Аляксандр Чарнуха4

больш чытаных навін
больш лайканых навін

33-гадовы Даніла Гаркавы, які нечакана пакінуў Офіс Ціханоўскай, расказаў пра сваю анкалогію і сем аперацый4

33-гадовы Даніла Гаркавы, які нечакана пакінуў Офіс Ціханоўскай, расказаў пра сваю анкалогію і сем аперацый

Галоўнае
Усе навіны →

Заўвага:

 

 

 

 

Закрыць Паведаміць