80-гадовы экс-афіцэр «Штазі» атрымаў 10 гадоў за забойства — у 1974 годзе ён застрэліў паляка, які збег з ГДР у ФРГ
Былы спецслужбіст да апошняга захоўваў маўчанне.
У Германіі 80-гадовы былы афіцэр «Штазі» атрымаў 10 гадоў турмы за забойства паўвекавой даўнасці. Прысуд Манфрэду Н. вынес суд у Берліне, піша Bild.
Пенсіянера абвінавачвалі ў тым, што ў 1974 годзе на мяжы Усходняга і Заходняга Берліна ён застрэліў 38-гадовага паляка Чэслава Кукучку, які хацеў бегчы ў ФРГ.
31-гадовы лейтэнант «Штазі» стрэліў яму ў спіну, калі Чэслаў ужо атрымаў адзнаку ў пашпарце і ішоў з ГДР у ФРГ. За гэта Манфрэда Н. не толькі не пакаралі: яго павысілі да «кіраўніка аператыўнай групы» па «тэрарыстычных сітуацыях у прыгранічнай зоне». У афіцыйных справаздачах гаварылася, што Кукучка хацеў падарваць бомбу.
Усе апошнія гады былы спецслужбіст ціха жыў у прыватным доме пад Ляйпцыгам. Пракуратура зацікавілася Манфрэдам яшчэ ў 1990-я гады пасля аб'яднання Германіі, аднак тады не сабрала дастатковых доказаў.
Супазоўшчыкамі разам з германскай пракуратурай выступілі дзеці і сястра забітага. Сведкамі-школьнікі з Гесэна, якія пераходзілі мяжу тады ж і бачылі забойства. Гучны працэс доўжыўся з 14 сакавіка. Пенсіянер да самага канца захоўваў маўчанне і адмаўляў усе абвінавачванні.
Цяпер чытаюць
«Вельмі добра разумею беларускую мову. Нават не думаў». З'явілася ВІДЭА размовы беларускіх палітвязняў з Зяленскім12
«Вельмі добра разумею беларускую мову. Нават не думаў». З'явілася ВІДЭА размовы беларускіх палітвязняў з Зяленскім
Бабарыка і Калеснікава пагаварылі з Інгай Ругінене і заклікалі Літву «далучыцца да дыпламатычных намаганняў ЗША» і «не прапусціць акно магчымасцей»3333
Каментары