Выбары ў Літве: сацыял-дэмакраты — першыя, кансерватары — другія, але адрыў мінімальны
Учора ў Літве прайшлі парламенцкія выбары.
У першым туры выбараў у Сейм Літвы перамогу атрымала апазіцыйная Літоўская сацыял-дэмакратычная партыя (ЛСДП), другое месца заняў кіроўны Саюз Айчыны — Літоўскія хрысціянскія дэмакраты (TS-LKD), а трэцяе месца — папулісцкая «Зара над Нёманам», піша Delfi.lt.
ЛСДП набрала 19,36% галасоў, TS-LKD — 17,96%, «Зара над Нёманам» — 14,99%.
У Сейм таксама прайшлі Саюз дэмакратаў «У імя Літвы» (9,24%) і Ліберальны рух (7,70%). З цяжкасцю пераадолеў 7-працэнтны бар’ер Саюз сялян і зялёных (7,02%).
ЛСДП атрымлівае пакуль 18 мандатаў, TS-LKD — 17, «Зара над Нёманам» — 14, «У імя Літвы» — 8, Ліберальны рух — 7, а «Сяляне і Зялёныя» — 6 мандатаў.
ЛСДП і «У імя Літвы» створаць кіруючую большасць. Пасля прыбыцця лідара «За Літву» ў штаб-кватэру Літоўскай сацыял-дэмакратычнай партыі (ЛСДП) лідары палітычных партый, былы прэм'ер Саулюс Сквярняліс і Вілія Блінкявічуце дамовіліся стварыць сумесную кіруючую большасць.
«Мы дамовіліся разам з партыяй «У імя Літвы», якая вельмі паспяхова выступіла на выбарах, стварыць кіруючую большасць — працаваць разам, каб у нас былі добрыя вынікі», — заявіла журналістам В. Блінкявічуце пасля размовы са С.Сквярнялісам.
За бортам апынулася Партыя свабоды. У новым Сейме яна не будзе прадстаўлена, бо набрала 4,44% галасоў.
Не змагла пераадолець пяціпрацэнтны бар'ер і Выбарчая акцыя літоўскіх палякаў, якая набрала 3,93%.
За мандат 141 члена Сейма змагаюцца 14 партый і адна кааліцыя. 71 член Сейма абіраецца па аднамандатных акругах. Калі ніводзін з кандыдатаў не набярэ пятую частку галасоў усіх выбаршчыкаў аднамандатнай акругі, другі тур выбараў у Сойм адбудзецца 27 кастрычніка.
Сілавікі працягваюць умацоўваць свае будынкі, баючыся паўстання4
Каментары
«Пасля прыбыцця лідара «За Літву» ў штаб-кватэру Літоўскай сацыял-дэмакратычнай партыі», не ОМОН прибыл, а лидер партии? Такое тоже бывает?
И ябатьки будут кричать, что в Европе нет демократии? А вот она есть, есть и сменяемость власти, сменяемость на оппозицию, и ничего у них не сломается и не разорвет никто на части и не упадет в пропасть