Добрушская раёнка дала такі загаловак артыкулу: «Як цытаты Лукашэнкі дапамагаюць у працы».
Тумбу паставілі ў выставачнай зале Добрушскай папяровай фабрыкі. Гэта архітэктурная форма ў выглядзе трохграннай прызмы, якая ззяе чырвона-зялёнымі агнямі.
«Ідэя стварэння гэтага экспаната ўзнікла не спантанна. У гонар 30-годдзя інстытута прэзідэнцтва ў Беларусі на фабрыцы запусцілі своеасаблівы чэлендж і знялі відэаролік з цытатамі Аляксандра Лукашэнкі. Пачын падтрымаў генеральны дырэктар кіруючай кампаніі холдынгу «Беларускія шпалеры» Аляксандр Каляда. Ён і прапанаваў увекавечыць словы Лукашэнкі ў асобнай музейнай кампазіцыі», — піша Добрушская раёнка.
Тумба прысвечана візіту Лукашэнкі на прадпрыемства ў кастрычніку 2021 года.
«Гэтыя тры цытаты Аляксандра Лукашэнкі на доўгія гады застануцца для калектыву папяровай фабрыкі заклікам да дзеяння і своеасаблівай дарожнай картай у далейшым развіцці прадпрыемства», — рэзюмуе выданне.
«Запускайце далей салюты, а я выклічу міліцыю». Беларусы спрачаюцца пра забарону на феерверкі2
Каментары
Дзякуй табе, чалавеча.