Паўднёвакарэйская разведка: Расія заплаціла за ваенную дапамогу КНДР 700 тысячамі тон рысу
700 тысяч тон рысу — гэта каля 17 працэнтаў ад гадавой вытворчасці рысу ў КНДР.
КНДР вырашыла праблему недахопу харчавання на фоне ваенных паставак у Расію і адпраўкі падраздзяленняў спецназа ў зону баявых дзеянняў ва Украіне, паведаміла паўднёвакарэйская газета The Korea Herald. Масква паставіла Пхеньяну каля 700 тысяч тон рысу, што на 600 тысяч тон больш, чым адпраўляла раней, піша расійская служба «Радыё Свабода».
Такія даныя паўднёвакарэйская разведвальная служба прадставіла парламенцкаму разведвальнаму камітэту, паведаміў газеце член парламента, былы пасол Паўднёвай Карэі ў Маскве Ві Сон Лак.
700 тысяч тон рысу — гэта каля 17 працэнтаў ад гадавой вытворчасці рысу ў КНДР, вынікае з яго слоў. Расійскія пастаўкі пакрываюць амаль палову дэфіцыту рысу ў Паўночнай Карэі. Цяпер, калі Расія купляе ў Паўночнай Карэі артылерыйскія снарады, значная частка дэфіцыту харчавання «верагодна, была ліквідавана за кошт гандлю зброяй», — сказаў ён.
Па падліках нямецкага фонду Фрыдрыха Наумана, Паўночная Карэя магла прадаць Расіі зброю на суму каля 5,5 мільярдаў долараў. Гэтая сума супастаўная з чвэрцю ВУП краіны.
Раней агенцтва Рёнхап паведамляла са спасылкай на разведвальны даклад парламенту, што Расія адпраўляе Паўночнай Карэі зарплаты за адпраўленых карэйскіх вайскоўцаў. Гаворка ідзе пра сумы каля 2000 даляраў у месяц на аднаго чалавека, што супастаўна з зарплатай расійскага кантрактніка ў зоне баявых дзеянняў.
Верагодна, большая частка грошай не даходзіць да паўночнакарэйскіх вайскоўцаў і іх сем'яў і застаецца ў дзяржавы. Гэта можа прыносіць паўночнакарэйскаму бюджэту 200 мільёнаў долараў у год. КНДР адчувае востры недахоп валюты, гэтыя грошы стануць сур'ёзным укладаннем у бюджэт краіны.
Акрамя таго, піша The Korea Herald, у Расіі працуюць каля 4 000 паўночнакарэйскіх рабочых, якія прыносяць бюджэту прыкладна 800 долараў у месяц. Раней прэзідэнт Украіны Уладзімір Зяленскі паведамляў, што Расія дамаўляецца з КНДР аб пастаўках паўночнакарэйскіх рабочых на прамысловыя прадпрыемствы, якія адчуваюць востры недахоп працоўнай сілы.
Дэпутатка, якая рыхтуе прыгажунь для Лукашэнкі, выйшла замуж23
Каментары