46-гадовую настаўніцу мінскай гімназіі судзяць за гвалтоўны сэкс з падлеткам. Ёй пагражае да 10 гадоў калоніі
Ірына — педагог з дваццацігадовым стажам.
Ірыне К. 45 гадоў. Па звестках праекта Digital Intelligence Team, толькі адзін чалавек у Беларусі мае такія даныя. Яна мінчанка.
Як мінімум з 2003 года Ірына працавала ў некалькіх школах і гімназіях Мінска на розных спецыяльнасцях — педагогам дадатковай адукацыі, настаўнікам англійскай мовы. Адметна, што яна часта мяняла школы.
У мінулым годзе падпрацоўвала ў Макдональдсе на плошчы Бангалор. А раней займалася крамай дзіцячых рэчаў.
Раней у Ірыны быў муж, з якім яны маюць агульных дзяцей. Цяпер пара ў разводзе.
Жанчына цікавіцца танцамі і рознымі практыкамі па самаразвіцці, а таксама падарожнічае — прынамсі, такую інфармацыю можна адшукаць у архіўных сацсетках.
Цяпер імя Ірыны К. з'явілася ў раскладзе судоў. Яе пачнуць судзіць у Цэнтральным судзе Мінска 24 лютага.
Ірыну вінавацяць па двух артыкулах — «распусныя дзеянні з асобай, якая не дасягнула 16-годдзя з ужываннем гвалту або пагрозай яго прымянення» (ч. 2 арт. 169 КК), а таксама «палавыя зносіны з асобай, якая не дасягнула 16-годдзя, здзейсненыя асобай, на якую ўскладзеныя абавязкі па гадаванні, утрыманні, забеспячэнні бяспекі жыцця і здароўя непаўналетняга» (ч. 2 арт. 168 КК). Ёй пагражае ад трох да дзесяці гадоў калоніі.
Адметна, што Ірына К. цяпер на волі. Да суда яе пакінулі дома з дзецьмі. Жанчына каментуе допісы праз свае сацсеткі, апошні раз яна нешта пісала пару дзён таму.
«Наша Нiва» — бастыён беларушчыны
ПАДТРЫМАЦЬПіянера беларускага інтэрнэту Уладзіміра «Elefant» Неўмяржыцкага судзяць за згвалтаванне дзіцяці
«Сказаў хлопчыку, што бачыць у ім акцёрскія даныя». Вядомага мінскага артыста судзяць па пяці артыкулах за педафілію
Мінскаму кухару пагражае да 25 гадоў зняволення па пяці артыкулах — чатыры палітычныя і адзін за педафілію
У 2020 годзе ябацька Аміна «актыўна галасавала» за Лукашэнку. А цяпер не разумее, чаму родная маці на яе данесла, а міліцыя затрымала33
Каментары