«Калі адсутнічае склад нейкага правапарушэння, то гэта — пастаноўка на ўлік». Пракурор распавёў, як сілавікі сочаць за дзецьмі
Пракурор Гомельскага раёна Аляксандр Шынкароў абмеркаваў з прапагандыстамі гомельскага дзяржТВ «небяспечныя захапленні» падлеткаў і спосабы кантролю за імі, піша «Флагшток».
Адносна квадробераў пракурор нечакана заявіў, што «на тэрыторыі Беларусі выпадкаў квадробінгу не адзначана». Але гэта не нагода супакойвацца, кажа Шынкароў.
Ён упэўнены, што ўсе бацькі павінны мець доступ да мабільнага тэлефона падлетка, адзначыўшы, што дыстанцыйным кантролем займаюцца і сілавікі, і чыноўнікі.
«Не толькі мы як пракуроры, але і супрацоўнікі праваахоўных органаў, інспекцый, камісій па справах непаўналетніх адсочваюць на сталай аснове ролікі ў TikTok. Прычым, падлеткі не разумеюць, што калі відэа набрала значную колькасць праглядаў, значыць, рана ці позна паглядзім яго і мы».
Пракурор прывёў у прыклад выпадак месячнай даўніны, калі дзеці бегалі па дахах крамы і здымалі гэта на відэа. Падлеткаў устанавілі, разглядаецца пытанне аб прыцягненні іх да адказнасці.
«Калі адсутнічае склад нейкага правапарушэння, то гэта, безумоўна, пастаноўка на ўлік, правядзенне прафілактычнай работы з дзіцем і бацькамі», — заявіў пракурор.
«Маладзёжны экстрэмізм» — самая страшная тэма, лічыць пракурор. Ён кажа, што неабходна супрацьпаставіць спробам «навязаць чужыя каштоўнасці» падлеткам «гістарычную памяць»: гэта памяць «аб ахвярах мірнага насельніцтва», «аб вялікім подзвігу савецкага народа».
Шынкароў папярэдзіў, што за лайкі і рэпосты старонак, абвешчаных «экстрэмісцкімі», падлеткаў могуць пакараць нават па крымінальных артыкулах. І заклікаў бацькоў «у перыяд электаральнай кампаніі» сачыць за сваімі дзецьмі: як яны бавяць час па-за домам, што робяць у сацсетках.
-
Пасольства Польшчы ў Мінску змяняе правілы прыёму дакументаў на карту паляка
-
Славенія заплаціць беларусу амаль 100 тысяч еўра за тое, што на яго навялі пісталет пры затрыманні, а пасля пратрымалі год за кратамі
-
«Пагроза бяспецы калег». Зазулінская патлумачыла, чаму ў «Еўрапейскім выбары» перасталі давяраць Мамаевай
Цяпер чытаюць
«Спасибо, Лена! Продолжайте вести наблюдение». Афіцэр, які пісаў Харысавай, пасвіўся ў чатах палітэміграцыі, а некаторым дзяўчатам нават прапаноўваў абмяняцца нюдсамі9191
Каментары