Спорт66

Віцебскі «Макслайн» і «Шахцёр-2» выйшлі на матч у майках «За мірную і квітнеючую Беларусь»

У апошняй хатняй гульні «Макслайна» ў гэтым сезоне каманды правялі палітычную акцыю.

Фота: прэс-служба «Макслайна»

Віцебскі «Макслайн» — адзін з нямногіх прыватных клубаў у чэмпіянаце Беларусі. У гэтым сезоне звязаны з букмекерскай канторай праект гуляе ў другім дывізіёне і ірвецца ў вышэйшую лігу. 

Перад важнейшым дамашнім матчам перадапошняга тура з дублем салігорскага «Шахцёра» ў Віцебску вырашылі зладзіць палітычную акцыю. Футбалісты абедзвюх каманд выйшлі на гульню ў майках з надпісамі «Мы за мірную і квітнеючую Беларусь» у колерах дзяржсцяга і буслам у выглядзе галачкі — гэта адсылка да выбараў. 

Хто ініцыяваў гэтую акцыю — клуб ці федэрацыя — невядома.

Зрэшты, у іншых матчах тура нічога падобнага не было, што намякае на першы варыянт. Мабыць, каб замацаваць вынік, сёння віцебскі клуб у сацсетках апублікаваў пост з подпісам «Футбольны клуб «Макслайн» за мірную і квітнеючую Беларусь» з фатаграфіямі футбалістаў у гэтых майках.

Фота: прэс-служба «Макслайна»

«Макслайн» абыграў «Шахцёр-2» з лікам 3:0. Віцябляне за тур да канца ідуць на трэцім месцы ў першай лізе. У іх столькі ж ачкоў, колькі і ў «Нівы», але каманда з Долбізна вышэй за кошт асабістых сустрэч. Прамыя пуцёўкі ў вышэйшую лігу атрымаюць дзве лепшыя каманды, а трэцяя згуляе ў стыкавых матчах з «Нафтанам» з Наваполацка.

Аднак заваёва пуцёўкі ў вышэйшую лігу па спартовым прынцыпе не азначае гарантаванага падвышэння. Клуб павінен адпавядаць шэрагу крытэрыяў, у тым ліку па фінансах і стадыёне. Часам рэгламент у руках федэрацыі футбола становіцца бар'ерам для маладых прыватных клубаў, як гэта было з «Крумкачамі» і тым жа «Макслайнам», які не пусцілі ў вышэйшую лігу па выніках пазамінулага сезона.

Дарэчы, «Макслайн» сёлета актыўна ладзіць розныя яскравыя акцыі, у тым ліку дабрачынныя. Каманда, напрыклад, дапамагае прытулкам для жывёл: кожны месяц «Макслайн» закупляе ў прытулак корм з разліку 10 кілаграмаў за адзін забіты гол, а на адну з гульняў футбалісты выходзілі са шчанюкамі. 

Акрамя таго, гульцы наведвалі з падарункамі і дзіцячыя дамы, у тым ліку інтэрнат для дзетак з асаблівасцямі.

Каментары6

  • 1000+ лядовых дварцоў
    18.11.2024
    фу т балісты..
    а
    хакеісты дзе?
  • моцы на 3 дні
    18.11.2024
    Раней была "моцная і квітнеючая", але няспыннай працай ябатек цяпер прыходзіцца маліцца за захаванне міру, і моцы засталося толькі на ўтрыманне ўлады сінімі пальцамі.
  • Андрусь
    18.11.2024
    Калі пра Аліпіяду, то прапаганда крычыць, што "спорт па-за палітыкай", а тут у сваім жа чэмпіянаце ўцягваюць спартоўцаў у палітыку.
    Але цяпер ведацьмем пра гэтых гульцоў, што яны чырвона-зялёныя.

Цяпер чытаюць

«Самы небяспечны — Пятрухін. А большасць — карысныя ідыёты». Адмін канала «Беларуская агентура» даў вялікае інтэрв'ю39

«Самы небяспечны — Пятрухін. А большасць — карысныя ідыёты». Адмін канала «Беларуская агентура» даў вялікае інтэрв'ю

Усе навіны →
Усе навіны

Пуцін заклікаў украінцаў пераходзіць «на правільны бок гісторыі»11

Рабіць вагоны для мінскага метро зноў хочуць даручыць «Штадлеру»6

«Белтэлекам» зноў аб'явіў пра павышэнне сваіх тарыфаў

Пад Барысавам упалявалі першую ў гэтым сезоне рысь2

Аналітыка Вольгу Харламаву асудзілі на 10 гадоў калоніі6

Беларусы масава бяруць ільготныя крэдыты пад 4%1

У інтэрнэце галасуюць за турыстычны лагатып Беларусі. Сярод лідараў праект былога палітвязня4

Дуа Ліпа ўжо носіць куртку, якую ўсе захочуць гэтай зімой11

«Гэта такая дробная, агідная помста Рамана». Соф’я Сапега расказала, як яе падманам знялі для перадачы Пратасевіча12

больш чытаных навін
больш лайканых навін

«Самы небяспечны — Пятрухін. А большасць — карысныя ідыёты». Адмін канала «Беларуская агентура» даў вялікае інтэрв'ю39

«Самы небяспечны — Пятрухін. А большасць — карысныя ідыёты». Адмін канала «Беларуская агентура» даў вялікае інтэрв'ю

Галоўнае
Усе навіны →

Заўвага:

 

 

 

 

Закрыць Паведаміць