Чарговая батарэя расійскіх зенітных ракетных комплексаў «Тор-М2» прыбыла ў Беларусь. Пра гэта паведаміла прэс-служба Мінабароны Беларусі.
Як заявіў начальнік упраўлення зенітных ракетных войскаў камандавання ВПС і войскаў СПА Узброеных сіл палкоўнік Андрэй Севярынчык, адметнымі асаблівасцямі зенітнага ракетнага комплексу «Тор-М2» з'яўляецца яго «высокая мабільнасць, малы час рэакцыі, эфектыўная стральба па шырокім класе цэляў, а таксама аўтаматызацыя баявой работы».
Комплексы, якія паступілі гэтым разам, дапрацаваныя расійскімі канструктарамі «з улікам вопыту іх прымянення ў СВА».
Зенітны ракетны комплекс «Тор-М2» забяспечвае эфектыўную супрацьпаветраную абарону прызначаных аб'ектаў. Комплекс здольны выконваць баявыя задачы ў любых кліматычных умовах.
Батарэя ЗРК «Тор-М2» здольная адначасова паразіць 16 цэляў, якія дзейнічаюць з любых напрамкаў з хуткасцю да 730 м/с, на далёкасці да 12 км і вышыні да 10 км і днём, і ноччу, у любых умовах надвор'я.
Каментары