Начальнік Генштаба Беларусі назваў запуск «Арэшніка» па Дняпры жэстам добрай волі
Таксама Павел Муравейка назваў расійскую армію самай магутнай у свеце.
Начальнік Генштаба Беларусі назваў запуск Расіяй «Арэшніка» па ўкраінскім Дняпры жэстам добрай волі. Пра гэта Павел Муравейка заявіў у інтэрв'ю sb.by.
«Гэта, скажам так, жэст добрай волі і пасыл, што не трэба жартаваць з Расіяй. За апошнія некалькі гадоў расійскі абаронна-прамысловы комплекс зрабіў гіганцкія крокі наперад, гіганцкія. Сёння новых узораў узбраення і тэхнікі ў Расіі вельмі шмат. І паказ «Арэшніка» — усяго толькі дэманстрацыя сваіх магчымасцяў. Прычым у звычайным рыштунку, без выкарыстання якіх-небудзь спецыфічных элементаў», — сказаў генерал.
Павел Муравейка назваў расійскую армію самай магутнай у свеце.
«Сёння мы актыўна ўзаемадзейнічаем з нашым стратэгічным саюзнікам Расіяй. У нас сумесная рэгіянальная групоўка войскаў, адзіная школа падрыхтоўкі і адзінае ўзбраенне. Мы счытваем назапашаны вопыт вядзення баявых дзеянняў у сучасных ваенных канфліктах.
Расійская армія — ваюючая армія. Скажу, што гэта самая магутная і самая моцная армія ў свеце, супрацьстаяць якой цяпер наўрад ці знойдзецца сіла. І гэта наш саюзнік, гэта нашы хлопцы, з якімі мы ўзаемадзейнічаем, абменьваемся вопытам.
У нас фактычна адзіныя дакументы, адзіныя погляды і адзіныя падыходы», — сказаў ён.
Прайшоўся начальнік Генштаба і па NATO: «No Actions Talks Only, ніякіх акцый, толькі размовы. Таму дай бог, каб яны нешта маглі і ўмелі рабіць. Бо нават тая зброя, якую яны аддаюць Украіне, не моцна сябе і зарэкамендавала».
-
Мішусцін: Цана газу для стран ЕАЭС не перавышае 200 даляраў за 1000 кубаметраў
-
Ціханоўскі лайкнуў камент «У Вольнай Беларусі Ціханоўская будзе сядзець за свае злачынствы»
-
Памятаеце вар’яцкую гонку ў Брэсце, падчас якой загінула трое? На ВІДЭА з экшн-камеры матацыкліста відаць, што ён разагнаўся да 186 км/г
Каментары