Традыцыя памілавання прэзідэнтам ЗША індычак напярэдадні Дня падзякі ўпершыню ўзнікла ў 1947 годзе пры Гары Трумэне.
Прэзідэнт Джо Байдэн памілаваў дзвюх індычак па імені Піч (Персік) і Блосам (Кветка), пазбавіўшы іх ад долі стаць часткай святочнага стала на Дзень падзякі, што будзе адзначацца ў чацвер, піша Голас Амерыкі.
Гэта штогадовая традыцыя стала апошняй для дэмакратаў, прынамсі на бліжэйшыя чатыры гады, у Белым доме.
Індычкі, памілаваныя сёлета, названыя ў гонар афіцыйнай кветкі штата Дэлавэр, якая сімвалізуе стойкасць, распавёў Байдэн гасцям, якія сабраліся на паўднёвым лужку Белага дома.
«Гэта падзея сімвалізуе афіцыйны пачатак святочнага сезону тут, у Вашынгтоне. Гэта таксама апошні для мяне раз, у якасці прэзідэнта, каб выказаць падзяку. Таму дазвольце мне сказаць вам: гэта быў гонар усяго майго жыцця, і я бясконца ўдзячны», — сказаў Байдэн.
Вытокі цяперашняй традыцыі памілавання індычак узыходзяць да прэзідэнцтва Гары Трумэна ў 1947 годзе. Афіцыйная традыцыя пачалася ў 1989 годзе ў Белым доме, калі тагачасны прэзідэнт Джордж Буш-старэйшы ўпершыню афіцыйна памілаваў індычку на Дзень падзякі.
У чацвер мільёны індычак будуць запечаныя ў духоўках па ўсёй краіне, багата палітыя соусам і пададзеныя з рознымі гарнірамі, уключаючы такія святочныя стравы, як спецыяльнае хлебнае начынне, бульба, журавінавы соус і запяканка з зялёнай фасолі.
Цяпер чытаюць
«Размаўляў увесь час па-беларуску». Павел Севярынец запісаў свой першы зварот пасля вызвалення16
«Размаўляў увесь час па-беларуску». Павел Севярынец запісаў свой першы зварот пасля вызвалення
«Па-беларуску «Слана» Філіпенкі набывалі больш ахвотна, чым па-руску». Якія кнігі сёння ў топе? Інтэрв'ю з кіраўніцай выдавецтва Gutenberg Publisher44
Каментары
Як і конь і блыха пачалі галасаваць - недапечаныя пірагі іхіх выбараў то гарэлку забароняць, то котыкі, а індычак, ежу, мілуюць.
Вядома ж індычак не сваіх, ў прэзыдэнта няма свайго нічога. Падаткаплацельнік яшчэ і гадуй за свае грошы харчовую птушку ператвораную памілаваньнем на шкодніка.
Так мала, панастваралі гэтыя прэзыдэнты мілавальнікі ежы камуністычных баявых лісткоў на ўсім сьвеце, паназбіралі туды лісьліўцаў бюджэтных, і тыя нахваляюць вялікасэрнасьць галоўных бюракратаў ў сувязі з памілаваньнем індычкі.
N.B. Камуністы-вэганісты, цешуся з вамі разам, бо спадар Байдэн Стары іншую індычку ізьесьць, а не памілаваную
Але полавы і маёмасны хаця ж далі ЗША бурхлівае разьвіцьцё XIX стагодзьдзя