У выніку медыцынскага абследавання, якое прайшоў прэзідэнт ЗША Барак Абама, стала вядома, што ён так і не адмовіўся ад курэння, піша The New York Post. Дактары правялі планавы медагляд вярхоўнага галоўнакамандуючага ўзброеных сілаў ЗША.
Акрамя таго, прэзідэнт мае праблемы з левым каленам. Згодна з вынікамі абследавання, Абама прымае супрацьзапаленчыя прэпараты, бо пакутуе на хранічны тэндыніт у левым калене. На думку дактароў, гэта звязана з яго захапленнем баскетболам.
Дактары рэкамендавалі амерыканскаму прэзідэнту старанна трымацца дыеты, бо ўзровень халестэрыну ў яго крыві аказаўся даволі высокім.
У выніку абследавання Абаме рэкамендавалі пастарацца адмовіцца ад курэння, трымацца дыеты, не злоўжываць алкаголем. Акрамя таго, дактары прапісалі яму спецыяльны рэжым для ўмацавання цягліцаў ног, каб пазбавіцца праблемаў з каленам.
Абаме парэкамендавалі праз пяць гадоў яшчэ раз прайсці калонаскапію.
Цяпер чытаюць
«Шматпартыйнасць, плюралізм меркаванняў — гэта брахня, заходняя брахня». Лукашэнка разглядае канстытуцыйнае вяртанне да савецкай сістэмы68
«Шматпартыйнасць, плюралізм меркаванняў — гэта брахня, заходняя брахня». Лукашэнка разглядае канстытуцыйнае вяртанне да савецкай сістэмы
Беларускія абрады, арнаменты і беларуская мова паўсюль. Як нашчадак перасяленцаў зрабіў сяло каля Байкала зноў беларускім, і чаму гэта можа хутка скончыцца1414
Каментары