«Чалавек 500 мінімум стаіць». Мінчукі выстраіліся ў гіганцкую чаргу, каб бясплатна пакатацца на каньках
Блогер паказаў, якая вялікая чарга сабралася ўчора ў Мінску ля адкрытай коўзанкі на Нямізе. Прычына празаічная: адзін вечар пакатацца там можна было бясплатна.
Мужчына тлумачыць: звычайна кошт квітка на коўзанку складае 3 рублі. Ён паказвае чаргу, канца якой нябачна.
— І ўсё, каб сэканоміць даляр, — кажа ён. — Не каб прыйсці ў будні дзень і проста пакатацца за 3 рублі. Людзі пруцца… Я не ведаю, колькі тут трэба прастаяць. Гадзіны дзве, мабыць, тры.
Гэта была акцыя ад мабільнага аператара Life, якая прайшла ўвечары 3 снежня. Дзеля справядлівасці варта адзначыць, што тым, хто прыйшоў, абяцалі не толькі бясплатныя білеты на коўзанку. Госці таксама маглі бясплатна ўзяць у арэнду канькі. Іх частавалі гарачымі напоямі і ўручалі падарункі. Працавала святочная фотазона. Рэкамендавалі прыходзіць мінімум за 30 хвілін да пачатку сеансу.
Сезонная мабільная коўзанка ля Палаца спорту пачала працаваць 22 лістапада і будзе адкрыта прыкладна да 1 сакавіка. Першы сеанс пачынаецца ў 10:00, апошні — у 23:00. Да новага сезона на коўзанцы палепшылі асвятленне.
Трэба адзначыць, што з цэнамі блогер усё ж памыліўся. Па буднях білет на коўзанку каштуе 6 рублёў. Столькі ж — пракат канькоў. А ў выходныя і святы кошт квітка складае 7 рублёў.
Цяпер чытаюць
Сталі вядомыя жахлівыя абставіны смерці былога вучонага сакратара Інстытута гісторыі. Яму было 45 гадоў6
Сталі вядомыя жахлівыя абставіны смерці былога вучонага сакратара Інстытута гісторыі. Яму было 45 гадоў
Яе не хацелі браць у музычную школу, а ў 14 яна сыграла ў Карнегі-холе ў Нью-Ёрку. Беларуская скрыпачка — пра жыццё ў Лондоне, заробкі і чым скрыпка Страдывары за 14 мільёнаў еўра адрозніваецца ад звычайнай1313
Каментары