Эрдаган: мэта апазіцыі — Дамаск. Мы прапанавалі Асаду разам вызначыць будучыню Сірыі, але адказу не было
Прэзідэнт Турцыі пракаментаваў прасоўванне войскаў паўстанцаў у Сірыі.
Рэджэп Таіп Эрдаган пасля пятнічнай малітвы выказаўся наконт вайны ў Сірыі.
Войскі паўстанцаў узялі Алепа і Хаму, а цяпер прасоўваюцца да Хомса.
«Ідліб, Хама, Хомс, і, вядома, мэта — Дамаск. Апазіцыя працягвае гэты рух. Мы спадзяемся, што гэты рух у Сірыі працягнецца без здарэнняў і бед.
Падчас супраціву супраць тэрарыстычных арганізацый мы звярнуліся да Асада з заклікам: давай разам вызначым будучыню Сірыі. Аднак станоўчага адказу не было», — цытуе Эрдагана CNN Turk.
Уначы паўстанцы ў Сірыі з занятай Хамы выйшлі на подступы да Хомса — трэцяга па велічыні горада краіны. Яго падзенне адрэжа Дамаск ад партоў на Міжземным моры, дзе размешчаныя расейскія вайсковыя базы. Турцыя падтрымлівае цэлы шэраг фарміраванняў, якія ваююць супраць войскаў Башара Асада.
Цяпер чытаюць
Сустрэчу Рыжанкова з Сікорскім папрасіў Мінск. Што каманда Ціханоўскай абмяркоўвала з палякамі да і пасля яе11
Каментары
Это вам не шахтаты . Эрдоган в неё научился . И теперь не остановить.
ps
"Sic semper evello mortem tyrannis" (гэта чакае усіх тыранаў )