У Маскве фекаліямі загадзілі лесвічную пляцоўку імавернай палюбоўніцы Пуціна
У кватэры, дзе зарэгістраваная Кацярына Мізуліна, падлетак фекаліямі запэцкаў пляцоўку. За гэта яму абяцалі заплаціць 500 долараў, піша «База».
У Маскве 16-гадовы хлопец адправіўся да дома Кацярыны Мізулінай у Пагарэльскім завулку 1 снежня. Ён падняўся на патрэбны паверх і зрабіў сваю справу. На наступны дзень відэа з вынікам яго працы з'явілася ў сеціве.
Праз тыдзень Кацярына Мізуліна апублікавала відэа з прабачэннямі ад хлопца. Яна сцвярджае, што падлетак знаходзіўся ў экстрэмісцкім чаце, звязаным з Украінай. Заданне ён нібыта атрымаў у тэлеграме, а за ўчынак яму абяцалі добрую ўзнагароду. Аднак грошай ён не атрымаў.
Цяпер на хлопца аформілі адміністратыўку, а бацьку хлопчыка аштрафавалі за невыкананне бацькоўскіх абавязкаў.
Кацярына Мізуліна — кіраўніца расійскай Лігі бяспечнага інтэрнэту і дачка фанатычнай прапуцінскай і антыўкраінскай сенатаркі Алены Мізулінай. Брытанскія СМІ ў лютым напісалі, што Кацярына з'яўляецца новай каханкай прэзідэнта Расіі Уладзіміра Пуціна.
Прапагандыстка АНТ Наталля Стэльмах змяніла імя на Наці Рышна і зарабляе ў Мексіцы на шаманах і наркатычных грыбах50
Каментары