Вольга Карач: На мірных перамовах Беларусь павінен прадстаўляць Пазняк. А Ціханоўская слабая
«Радыё Свабода» ўзяло інтэрв'ю ў Вольгі Карач, якая падзялілася арыгінальным поглядам на тое, як Беларусь павінна быць прадстаўленая на мірных перамовах паміж Расіяй і Украінай, якія, верагодна, могуць пачацца ў наступным годзе.
Паводле Карач, Беларусь павінны быць прадстаўленая на мірных перамовах, вось толькі, маўляў, цяпер ні ў каго няма легітымнасці. Нейкія падставы для прысутнасці там, на яе думку, ёсць толькі ў аднаго чалавека:
«На перамовах дакладна павінен быць Зянон Пазняк. Гэта чалавек, які змагаўся за незалежнасць Беларусі. Я лічу, што ў гэтых перамовах ён будзе як ніхто абараняць нацыянальныя інтарэсы Беларусі. Хто яшчэ — трэба думаць, але Зянон Пазняк павінен быць у гэтай дэлегацыі».
Адносна свайго асабістага ўдзелу яна не настолькі катэгарычная і ўпэўненая:
«Ці павінна я там быць ці не, час пакажа. Гэта залежыць ад таго, наколькі мы зможам антываенны рух зрабіць сапраўды моцным, ці зможам націснуць на заходнія краіны, каб антываенныя прадстаўнікі былі ўключаныя ў гэтую дэлегацыю».
Затое вялікая ўпэўненасць у Карач з'яўляецца, калі гаворка ідзе пра тое, ці могуць у такіх перамовах удзельнічаць Святлана Ціханоўская, яе Офіс, Аб’яднаны пераходны кабінет, Каардынацыйная рада. Тут адказ адназначны:
«Яны слабыя. Не, канечне».
Маўляў, на перамовах будуць сядзець «сусветныя «зубры» з вялікім досведам жорсткіх перамоваў», і «ў гэтай сітуацыі з беларускага боку павінны быць людзі, якія не баяцца адстойваць нацыянальныя інтарэсы Беларусі».
Святлана Ціханоўская, як сцвярджае Карач, «не можа адстаяць нацыянальныя інтарэсы беларусаў нават у Літве», таму яна і за тое, каб дэлегацыю дэмакратычных сілаў узначальваў Зянон Пазняк, бо ён «будзе адстойваць беларусаў да апошняй кроплі крыві. І ён не саступіць нічога».
Мікіта Мелказёраў расказаў, як яго «пакусаў» Зянон Пазняк
Алексіевіч: Пазняк ніяк не можа пагадзіцца, што яго час прайшоў
Пазняк пра Калеснікаву: Няма адказу на пытанне, навошта з яе ўпарта раскручваюць рэвалюцыянера і лідара
Навумчык пра рэзкія заявы Пазняка: Яго не цікавіць імідж, ён кажа тое, што не гавораць іншыя
Зянон Пазняк: Хто можа замяніць Лукашэнку? Рэальна — ніхто
Стала вядома пра арышт мінскага хірурга з 17-гадовым стажам. Ёй пагражае агромністы тэрмін за палітыку5
Каментары
Нават зза паліткарэктнасці " аб'ектывізма" запрашаць Олю Карач на " Свабоду" па беларускі гэта......страта Рэпутацыі.
Перудрукоўваць?? На " х.я97" Радзінай ..натуральна