Беспілотнікі атакавалі прамысловыя аб’екты ў Калужскай, Растоўскай і Варонежскай абласцях Расіі
Міністэрства абароны Расіі паведаміла, што за вечар серады і ноч на чацвер СПА перахапілі 77 украінскіх беспілотнікаў.
У Калужскай вобласці пасля атакі дронаў, пра адбіццё якой паведамілі мясцовыя ўлады, пачаўся пажар на прамысловым прадпрыемстве ў Дзяржынскім раёне, паведамляе Расійская служба Радыё Свабода.
Адзін з супрацоўнікаў начной змены атрымаў лёгкае раненне, заявіў кіраўнік рэгіёна Уладзіслаў Шапша. У Хваставіцкім раёне ў выніку падзення БПЛА была пашкоджаная сувязевая вышка і лінія электразабеспячэння, дадаў ён.
У Растоўскай вобласці пасля падзення дрона ў Шолахаўскім раёне адбылося ўзгаранне на тэрыторыі неназванага прамысловага аб’екта. Часовы выканаўца абавязкаў губернатара Юрый Слюсар сцвярджае, што адбыўся «ландшафтны пажар». На аб’екце ніхто не пацярпеў.
Губернатар Варонежскай вобласці Аляксандр Гусеў позна ўвечары ў сераду паведаміў пра атаку БПЛА на рэгіён, у выніку якой узнік пажар на адным з «аб’ектаў інфраструктуры». Пра які канкрэтна аб’ект ішла гаворка, ён не ўдакладніў. Пазней губернатар расказаў у тэлеграме, што пажар быў патушаны, адзначыўшы, што пацярпелых няма, але небяспека атакі БПЛА ў рэгіёне захоўваецца.
Міністэрства абароны Расіі паведаміла, што за вечар серады і ноч на чацвер СПА перахапілі 77 украінскіх беспілотнікаў: 30 — над Бранскай вобласцю, 25 — над Калужскай, па шэсць — над Курскай і Варонежскай, па пяць — над Растоўскай і Белгародскай абласцямі.
Цяпер чытаюць
«Знік без звестак» вельмі малады беларускі наёмнік5
«Знік без звестак» вельмі малады беларускі наёмнік
На Афоне адшукалі тры невядомыя раней асобнікі Астрожскай Бібліі. Для яе стварэння друкар Іван Фёдараў, выхадзец з Беларусі, выкарыстоўваў тэксты Скарыны66
Каментары