Грамадства33

Беларус пабіў рэкорд Тома Круза: ён скокнуў з парашутам з неверагоднай вышыні

Экстрэмал Юрый Коцур усталяваў сусветны рэкорд у скачку па небяспечнай тэхніцы HALO.

Фота: «Анлайнер»

Беларус Юрый Коцур скокнуў з парашутам з вышыні 7620 метраў. Гэта афіцыйна найвялікшая вышыня скачка па тэхніцы HALO у гісторыі.

Папярэдні рэкорд у гэтай катэгорыі належаў зорнаму галівудскаму акцёру Тому Крузу, піша «Анлайнер».

Скачок быў здзейснены ў Даніі, у адзінай у Еўропе спецыяльнай парашутнай зоне, якая дазваляе спартсменам працаваць з такой экстрэмальнай вышынёй. Сама тэхніка HALO прадугледжвае, што парашутыст пакідае самалёт на максімальна высокім пункце, а раскрывае купал як мага ніжэй. Першапачаткова такі стыль выкарыстоўвалі вайскоўцы, але пазней яго палюбілі і экстрэмалы ў цывільным.

Юрый распавядае, што ў такіх скачках шмат нюансаў, ад якіх літаральна залежыць жыццё парашутыста.

«Тэмпература на такой вышыні — мінус 25 градусаў, кіслароду не хапае — патрэбныя спецыяльны касцюм і кіслародная маска. Плюс да мяне быў падключаны апарат, які кантраляваў стан майго арганізма прыкладна дваццаць разоў у секунду падчас скачку. Калі б адбылася разгерметызацыя шлема і я страціў прытомнасць, парашут адкрыла б аўтаматыка. Але ўсё прайшло добра. Таймер паказаў 1 хвіліну 45 секунд вольнага падзення», — распавёў Коцур.

Фота: «Анлайнер»

Парашутным спортам Юрый займаецца з 2003 года, і агульная колькасць яго скачкоў ужо перавысіла паўтысячы. Але самым небяспечным быў менавіта апошні, рэкордны. Дасягненне Юрыя было афіцыйна пацверджана экспертамі Міжнароднай кнігі рэкордаў INTERRECORD. Пра тое, што ён паб'е рэкорд менавіта Тома Круза, Юрый даведаўся ў апошні момант.

«Найс ту хэв», як кажуць, але гэта не было прынцыповым момантам. Хаця цяпер мая жонка можа ганарыцца тым, што я круцейшы за Тома — гэта прыемна гучыць», — жартуе спартсмен.

Біць парашутныя рэкорды Юрый настроены і далей. Паводле яго слоў, у спорце яшчэ шмат катэгорый, у якіх можна паставіць рэкорды.

«Было б сапраўды крута, вядома, зайсці на тэрыторыю таго ж Баумгартнера, які скакаў са стратасферы. Але пакуль што Том Круз — таксама нядрэнна!» — распавядае рэкардсмен.

Каментары3

  • Вадзім
    03.01.2025
    -25, кіслароду не хапае, а гэта ўсё яшчэ больш чым на кілометр ніжэй за Джамалунгму
  • Alex
    03.01.2025
    Экстрэмiсты у Беларусi, а Юрый экстрэмал.
  • Грамадзянскі экстрэміст
    03.01.2025
    У 2020-ым скокнулі мы з вельмі высокай вышыні.
    Мо час ужо раскрыць наш спрадвечны БЧБ парашут?

Дырэктар Віцебскага цэнтра сучаснага мастацтва Андрэй Духоўнікаў пераехаў у Сербію — ён расказаў пра даносы ў культуры, неадукаванасць міністраў і чый жа Шагал17

Дырэктар Віцебскага цэнтра сучаснага мастацтва Андрэй Духоўнікаў пераехаў у Сербію — ён расказаў пра даносы ў культуры, неадукаванасць міністраў і чый жа Шагал

Усе навіны →
Усе навіны

На Кіпры п’яны расіянін прычапіўся да п’янай украінкі. Яе спадарожнікі збілі яго на горкі яблык — можа страціць вока35

«Не можаш ваяваць — дапамагай. Не можаш дапамагаць — не трындзі»: маладая беларуска далучылася да УСУ ў 2026‑м і ваюе дроншчыцай26

Памёр адзін з акцёраў-блізнюкоў з папулярнага фільма «Нянькі»1

Самыя папулярныя браўзеры, сацсеткі і ШІ-пошукавікі ў Беларусі11

Выйшла кніга пра Зянона Пазняка. Яе рыхтавалі больш за 10 гадоў17

Былы расійскі губернатар Гладкоў адмовіўся ад канала з 400 тысячамі падпісчыкаў. У Крамлі былі незадаволеныя яго актыўнасцю

Беларусы незадаволеныя канцэртам «Тату» ў Мінску — бо артысткі спявалі не на рускай мове28

Арына Сабаленка, падобна, нецэнзурна выказалася ў бок украінскай тэнісісткі пасля сваёй паразы37

Дэталі аварыі на Міншчыне, дзе загінулі трое: 21‑гадовага кіроўцу пазбавілі правоў — але рашэнне не паспела ўступіць у сілу

больш чытаных навін
больш лайканых навін

Дырэктар Віцебскага цэнтра сучаснага мастацтва Андрэй Духоўнікаў пераехаў у Сербію — ён расказаў пра даносы ў культуры, неадукаванасць міністраў і чый жа Шагал17

Дырэктар Віцебскага цэнтра сучаснага мастацтва Андрэй Духоўнікаў пераехаў у Сербію — ён расказаў пра даносы ў культуры, неадукаванасць міністраў і чый жа Шагал

Галоўнае
Усе навіны →

Заўвага:

 

 

 

 

Закрыць Паведаміць