За $18 тысяч прадаюць Audi 80. Прадавец запэўнівае, што гэта яшчэ вельмі танна
«Цана моцна заніжаная, так як за час валодання аўто было ўкладзена ў два разы больш!» — гаворыцца ў аб'яве.
Аўтамабіль 1994 года выпуску прадаецца ў Брэсце за 18 тысяч даляраў. Пад капотам у 31-гадовай Audi усталяваны 2-літровы бензінавы рухавік з турбінай. Прадавец лічыць, што магутнасць матора складае каля 300 конскіх сіл, праўда, прызнаецца, што на адмысловым стэндзе для замеру магутнасці машына не была.
Уласнік падкрэслівае, што машына 20 гадоў знаходзіцца ва ўласнасці аднаго чалавека. Заяўлены прабег — 285 тысяч км.
Нягледзячы на тое, што 18 тысяч даляраў за падобны аўтамабіль — гэта нерэальна дорага, сам прадавец так не лічыць і дадае, што цана моцна заніжана, бо за час валодання гэтай Audi ў яе было ўкладзена ў два разы больш.
Каб пераканаць усіх, што машына вартая такіх грошай, ён пералічвае спіс зробленага з цэнамі.
Са спісу вынікае, што больш за ўсё грошай пайшло на тое, каб зрабіць машыну поўнапрывадной — 2000 даляраў.
На афарбоўку гаспадар выдаткаваў 1800 даляраў, рухавік каштаваў 1600 даляраў, і яшчэ 1500 нібыта сышла на ягоны капрамонт.
Апроч тэхнічнай часткі, было шмат чаго перароблена ў знешнім выглядзе. Замест арыгінальнай оптыкі і бампера, тут усталяваныя дэталі ад сапраўды рэдкай Audi B4 у версіі S2. Пярэднія крэслы тут ад Audi у кузаве С4, а тармазная сістэма спераду наогул ад BMW 7-серыі ў кузаве е38.
Усё вышэйпералічанае сведчыць пра тое, што машына не з'яўляецца нейкай рэдкай завадской версіяй Audi ў кузаве В4, за якой могуць ганяцца калекцыянеры ці проста вялікія аматары маркі.
Адметна, што пачаткова за машыну прасілі 15 тысяч даляраў, але праз некалькі дзён пасля размяшчэння аб'явы прадавец павысіў цану да 18 тысяч.
Audi 80 B4 выпускалася з 1991 па 1996 год. За гэты час было выпушчана 1,09 млн экзэмпляраў, з якіх 182 тысячы былі ў кузаве ўніверсал.
У 2020 годзе ябацька Аміна «актыўна галасавала» за Лукашэнку. А цяпер не разумее, чаму родная маці на яе данесла, а міліцыя затрымала33
Каментары