Беларускаму бізнэсмену пагражае да 12 гадоў калоніі па трох палітычных артыкулах
Алег Самародскі кіраваў двума бізнэсамі, а цяпер быў арыштаваны па палітычных артыкулах. Неўзабаве яго будуць судзіць.
Алегу Самародскаму 61 год. Згодна са звесткамі праекта Digital Intelligence Team, родам ён з Расіі, горада Ражск Разанскай вобласці, але жыве ў Беларусі і мае грамадзянства краіны. У 1985 ён скончыў мінскі іняз па спецыяльнасці «перакладчык з англійскай і французскай моваў».
Мае трох дзяцей.
Самародскі ўсё жыццё займаўся бізнэсам — быў кіраўніком фірмы «Уладкас», якая займалася вырошчваннем гародніны, насення і рассады, таксама дырэктарам фірмы «Белбаскітлід», якая вырабляе драўляную тару і іншыя рэчы з дрэва ў Іўі Гродзенскай вобласці.
Невядома, калі яго затрымалі — мы не знайшлі сацсетак Самародскага. Суд над ім пачнецца 6 лютага 2025 года ў Мінскім гарадскім судзе.
Вінавацяць бізнэсмена па трох артыкулах — «удзел у экстрэмісцкім фарміраванні» (ч. 3 арт. 361-3), «заклікі да прычынення шкоды Беларусі» (ч. 3 арт. 361 КК) і «распальванне варожасці» (ч. 1 арт. 130 КК). Агулам яму пагражае да 12 гадоў калоніі. Абставіны справы невядомыя.
«Наша Нiва» — бастыён беларушчыны
ПАДТРЫМАЦЬГерой Беларусі Марына Васілеўская нарадзіла дачку ад касманаўта Алега Навіцкага16
Каментары