Грамадства22

Беларускі дом у Варшаве не ведае, што будзе з яго памяшканнем у 2025 годзе

У мінулым годзе Беларускі дом у Варшаве сутыкнуўся з праблемамі фінансавання памяшкання — Польшча адмовілася пакрываць выдаткі. На той час атрымалася залагодзіць справу, але, што будзе сёлета, пакуль невядома, расказаў Белсату кіраўнік Беларускага дому ў Варшаве Алесь Зарэмбюк.

Кіраўнік Беларускага дома ў Варшаве Алесь Зарэмбюк на канферэнцыі ў Беларускім Доме ў Варшаве 17 снежня 2024 года. Фота: facebook.com/BelaruskiDom

Алесь Зарэмбюк расказаў польскаму выданню «Gazeta Prawna», што ў 2024 годзе ўпершыню не было падтрымання ў фінансаванні будынку на Крынічнай, 6 у Варшаве ад Дэпартамэнту развіцця супрацы МЗС.

Што будзе ў 2025 годзе, стане ясней у найбліжэйшы час, адзначае Зарэмбюк у размове з «Белсатам».

«Наш будынак належыць Рэспубліцы Польшча. Як будзе выглядаць сітуацыя ў гэтым годзе, мы абсалютна не ведаем, таму што год толькі пачаўся. Звычайна нейкія конкурсы міністэрстваў на падтрыманне стартуюць альбо ў лютым, альбо ў сакавіку. Як будзе выглядаць сітуацыя ў гэтым годзе ані мы, ані будзь-якое міністэрства пакуль не можа сказаць. Але мы працуем і працягваем тую ж дзейнасць, якой займаліся», — кажа Алесь Зарэмбюк.

«Gazeta Prawna» нагадала, што Польшча абмежавала і працу Цэнтру дапамогі палка імя Кастуся Каліноўскага на Крынічнай, 6. Ён быў закрыты ў канцы чэрвеня 2024 года.

«Мы такім чынам хацелі пазбегчы блакады фінансавання і атрымлівалі сігналы, што, калі мы гэта зробім, сітуацыя можа змяніцца. Але ў выніку гэта не прынесла рэзультатаў», — сказаў Зарэмбюк.

Ён адзначыў, што цэнтр не фінансаваўся ні з якіх донарскіх грошай. Больш за ўсё дапамагала беларуская дыяспара з усяго свету. Тым не менш, цэнтр прыйшлося закрыць. Паводле «Gazeta Prawna», праз тое, што Польшча хацела пазбегнуць абвінавачванняў у рыхтаванні нападу на Беларусь. Верагодна, рэч была ў тым, што на Крынічнай, 6 праводзіўся таксама рэкрутынг беларусаў у полк Каліноўскага. Паводле інфармацыі палка, з красавіка 2024 года набор вядзецца праз чат-бот ПКК.

«Мы атрымалі інфармацыю, што можа быць прафінансаваны будынак, калі ў гэтым будынку не будзе дапамогі цэнтру. Проста прапаганда лукашэнкаўская і расейская падаюць гэта як дапамогу «нацыстам» і як вайсковую дапамогу. Але тут не было вайсковай дапамогі. Гэта была дапамога гуманітарная. Пра гэта сведчаць сотні здымкаў, якія засталіся. На іх можна пабачыць, што гэта бронекамізэлькі для нашых хлопцаў, беларусаў, якія вырашылі бараніць Украіну. Гэта былі лекі, кансервы, машыны.

І каб не было праз гэта непаразуменняў, мы спынілі працу гэтага цэнтру напрыканцы чэрвеня мінулага года. З таго часу тут больш не адбываецца ніякай дапамогі», — падвёў рысу Алесь Зарэмбюк.

Каментары2

  • Дзесьці за Магаданам
    30.01.2025
    Знаёмыя распавядалі як ,,шчыра,, , ,,па братэрску,, іх сустрэлі у ,,Беларускім,, ,,доме,, некалькі гадоу́ таму .
    Галодныя , халодныя , яны папрасілі нейкую параду - дзе , што , куды бегчы у Польшчы .
    Кірау́нік гэтай ,,установы,, ім нават гарбаты з хлебам не прапанавау́ , гроша пашкадавау́
  • 31.01.2025
    В чем проблема? 1,5% налога просите у беларусов польши. Вы помогали и вам в ответ. Другое дело что наверно и не было никакой помощи от вас
 
Націсканне кнопкі «Дадаць каментар» азначае згоду з рэкамендацыямі па абмеркаванні.

Цяпер чытаюць

Эталоннага ябацьку прызналі неадэкватным і збіраюцца лячыць

Эталоннага ябацьку прызналі неадэкватным і збіраюцца лячыць

Усе навіны →
Усе навіны

Падчас расійскай начной атакі на Адэсу шахед трапіў у дзіцячую паліклініку ФОТЫ

Вы ў Польшчы? Значыць, лёгка можаце падтрымаць «Нашу Ніву» падаходным падаткам, не патраціўшы сваіх грошай. Вось як20

Беларускія школьнікі пісалі рэспубліканскую кантрольную работу па тэксце пра Лукашэнку2

Пуцін «высока ацэньвае» вынікі перамоў у Эр-Рыядзе7

Паэт Лянкевіч завёў нечаканае знаёмства ў варшаўскай кавярні3

Падачу вады ў Асіповічах пасля начной аварыі аднавілі

Маладая маці з Магілёва паказала, як бясплатна выносіць дарагую касметыку з крам18

ХАМАС перадаcць целы чатырох закладнікаў. Сярод іх — рудавалосыя малыя браты Бібасы, якія сталі ў Ізраілі сімвалам трагедыі 7 кастрычніка1

Хто такі Кіт Келаг, ад меркавання якога залежыць лёс міру ва Украіне4

больш чытаных навін
больш лайканых навін

Эталоннага ябацьку прызналі неадэкватным і збіраюцца лячыць

Эталоннага ябацьку прызналі неадэкватным і збіраюцца лячыць

Галоўнае
Усе навіны →

Заўвага:

 

 

 

 

Закрыць Паведаміць