Маскоўскі раён сталіцы атакуюць пацукі. Жыхары беспаспяхова скардзяцца на іх
Жыхары Малінаўкі працягваюць скардзіцца камунальнікам на грызуноў. Гараджане абмяркоўваюць праблему ў раённым чаце, публікуюць відэа, піша «Мінск-Навіны».
«Ясеніна, 16. Як вам памер пацукоў? Пераканаўча і ў які раз просім пратруціць грызуноў! З падʼезда страшна выйсці», — пракаментавала мінчанка відэа «бітвы» пацука з катом увечары 6 ліпеня.
Мяркуючы па фота, зробленаму раніцай 7 ліпеня, жанчына ўсё ж адважылася выйсці на вуліцу. Тады яна зноў заўважыла пацука ля падʼезда.
Іншая ўдзельніца чата адзначыла, што каля дома № 11а на вул. Ясеніна амаль такія ж грызуны.
Яшчэ адну жыхарку сталіцы ўбачанае не збянтэжыла.
«Звычайны пацук. Мяркуючы па тым, як спакойна ён ішоў па сваіх справах, гэта яго раён», — напісала яна.
Выданне раней пісала, што ў ЖКГ Завадскога і Маскоўскага раёнаў паступаюць скаргі на пацукоў.
Цяпер чытаюць
Лукашэнка пераабуўся: Позна ўвечары Мінск пагрузілі ў цемру. Навошта? Я ж ад вас гэтага не патрабаваў8
Каментары