Грамадства1111

Беларус, які ваяваў на баку Расіі, скардзіцца, што не можа звольніцца са службы і атрымаць выплаты

Беларус, які ваяваў на баку Расіі супраць Украіны, паскардзіўся, што не можа звольніцца са службы нават пасля заканчэння кантракту. Таксама яму не даюць расійскія выплаты за раненні, атрыманыя на вайне. Зварот беларуса апублікаваў тэлеграм-канал «Не чакай мяне з Украіны», заўважыла «Медыязона».

Імя беларуса не называецца, ягоны твар у звароце і звесткі ў медыцынскай даведцы схаваныя.

Мужчына заявіў, што яго хочуць зноў адправіць на фронт, нягледзячы на заканчэнне кантракту і тое, што лекары прызналі яго «непрыдатным да вайсковай службы» пасля ранення.

«Пасля падачы рапарту ў часць яны спрабуюць сілком зацягнуць мяне і адправіць у зону СВА [спецыяльнай ваеннай аперацыяй (СВА) расійскія ўлады і прапагандысты называюць развязаную Крамлём вайну ва Украіне. — Рэд.], хоць па законе не маюць права», — кажа мужчына.

Беларус назваў гэтыя дзеянні незаконнымі, паколькі падчас лячэння пасля ранення ў яго, маўляў, дыягнаставалі гепатыт С, з якім нельга працягваць службу.

«Выплат за форму 100, якую атрымаў год таму ў Данецку, няма, усе спасылаюцца на часць, а ў часці нічога не робяць», — заяўляе прарасійскі беларус.

Мужчына кажа, што камандаванне палка ігнаруе пастановы дактароў, адпраўляючы ўсіх запар назад у часць. Тых, хто не згодны з такімі дзеяннямі, вязуць у размяшчэнне ў кайданках.

Ён таксама паведаміў, што ягоны кантракт з Мінабароны ўжо скончыўся і ён, як кантракт замежнага грамадзяніна, па законе аўтаматычна не працягваецца.

Згодна з апублікаванай даведкай, беларус праходзіў службу па кантракце ў 255-м мотастралковым палку (в/ч 13766, Валгаградская вобласць). У 2024 годзе ён быў шпіталізаваны з траўмамі таза і сцёгнаў. Пасля медыцынскага абследавання ён быў прызнаны часова непрыдатным да вайсковай службы і яму быў рэкамендаваны 45-дзённы адпачынак.

«Цяпер мяне шукаюць, спрабуюць адправіць у Данецк. Шукаюць і пагражаюць», — заявіў беларускі кантрактнік.

Каментары11

  • Финн
    07.02.2025
    Дурак, запомни, кремль и россия тебя кинут, причем всегда. Многовековая история тому подтверждение. Ты лишь нужен на россии как бесправное пушечное мясо. Всё.
  • Acab
    07.02.2025
    Не хадзіце, хлопцы, на вайну.
    І на выбары
  • Отчего ж ты с танком не сгорел?
    07.02.2025
    [Рэд. выдалена]

Цяпер чытаюць

«Будуць сядзець. Нават калі ў пяць, дзесяць разоў больш будзе». Лукашэнка не збіраецца спыняць рэпрэсіі, хоць Коўл і просіць7

«Будуць сядзець. Нават калі ў пяць, дзесяць разоў больш будзе». Лукашэнка не збіраецца спыняць рэпрэсіі, хоць Коўл і просіць

Усе навіны →
Усе навіны

Як унучка Лукашэнкі з мужам і сынам адпачылі ў Дубаі9

Трамп, Пуцін і Сі пачалі трохбаковую сустрэчу ў Шэньджэні

У Пецярбургу беларуска цяжка параніла нажом сужыцеля. Яе хацелі пасадзіць на тры гады, але абышлося5

Стэндап-комік Элдос Алмазаў памёр ва ўзросце 29 гадоў

У Бразіліі людзі з ізаляванай групы выйшлі з лесу і папрасілі ежы. Гэта трывожны знак ВІДЭА8

Бяляцкі: На чарговым сходзе «Вясны» складу з сябе паўнамоцтвы3

Вызваленне Курскай вобласці каштавала расіянам 20 тысяч жыццяў. І гэта без уліку паўночнакарэйцаў

У Варшаве ў кватэру беларускі ўварваўся ўкраінец, паваліў на падлогу і забраў дарагую сумачку9

Намеснік кіраўніка Пентагона раскрытыкаваў удары Украіны па Расіі і датэрмінова пакінуў «Рамштайн»17

больш чытаных навін
больш лайканых навін

«Будуць сядзець. Нават калі ў пяць, дзесяць разоў больш будзе». Лукашэнка не збіраецца спыняць рэпрэсіі, хоць Коўл і просіць7

«Будуць сядзець. Нават калі ў пяць, дзесяць разоў больш будзе». Лукашэнка не збіраецца спыняць рэпрэсіі, хоць Коўл і просіць

Галоўнае
Усе навіны →

Заўвага:

 

 

 

 

Закрыць Паведаміць