Свет11

Нетаньяху выставіў ХАМАС ультыматум па вызваленні закладнікаў

Інакш ЦАХАЛ адновіць інтэнсіўныя баявыя дзеянні, пакуль ХАМАС не будзе канчаткова разбіты.

Біньямін Нетаньяху. Фота: Amir Cohen / AP

Прэм’ер-міністр Ізраіля Біньямін Нетаньяху заявіў, што ізраільская армія адновіць баявыя дзеянні ў сектары Газа, калі групоўка ХАМАС не верне закладнікаў, якія ўтрымліваюцца ў анклаве, да 12:00 суботы, піша Бі-бі-сі.

«Калі ХАМАС не верне нашых закладнікаў да 12:00 суботы, перамір’е скончыцца, і ЦАХАЛ адновіць інтэнсіўныя баявыя дзеянні, пакуль ХАМАС не будзе канчаткова разбіты», — гаворыцца ў заяве Нетаньяху, апублікаванай пасля сустрэчы з членамі ваеннага кабінета.

«У святле заявы ХАМАС пра ягонае рашэнне парушыць пагадненне і не вызваляць нашых закладнікаў, учора ўвечары я аддаў загад ЦАХАЛ засяродзіць сілы ўнутры і вакол сектара Газа. Гэтая аперацыя праводзіцца ў гэтыя гадзіны і будзе завершана ў самы бліжэйшы час», — дадаў Нетаньяху.

Раней прэзідэнт ЗША Дональд Трамп запатрабаваў ад ХАМАС вызваліць усіх закладнікаў да 12:00 суботы, інакш «пачнецца сапраўднае пекла».

Напярэдадні баевікі пагражалі адкласці наступны этап вызвалення ізраільскіх закладнікаў і іх абмену на палестынскіх зняволеных, заявіўшы пра невыкананне Ізраілем умоў пагаднення аб перамір’і. Ізраіль заявіў, што дзеянні ХАМАС парушаюць умовы здзелкі.

У мінулую суботу завяршыўся чарговы этап абмену: былі вызвалены трое ізраільскіх закладнікаў і 183 палестынскія зняволеныя.

З 33 ізраільцян, якіх ХАМАС абавязаўся вызваліць на першым этапе здзелкі, 16 чалавек ужо вярнуліся дадому. Ад самага пачатку было вядома, што восем чалавек з гэтых 33 — мёртвыя. Такім чынам, на першым этапе дамовы баевікі павінны вярнуць яшчэ дзевяць жывых закладнікаў.

Паводле звестак ізраільскіх уладаў, заснаваных на даных ізраільскай разведкі, на момант узгаднення першага этапу пагаднення ў Катары ў палоне ХАМАС заставаліся 94 чалавекі.

У гэтую суботу ХАМАС павінен быў вызваліць яшчэ траіх ізраільцян у абмен на чарговую партыю палестынскіх зняволеных, якія адбываюць тэрміны ў ізраільскіх турмах.

Каментары1

  • alex
    13.02.2025
    а то что?колорад опять обделается и заключит позорную сделку по новой?))

    пекло для хамаса?)))ахаха))для начала нужно понимать что такое боевик хамаса)утащат в могилу еще пару тысяч солдат израиля и заключат еще одну выгодную...сделку)война это их суть)на потери им плевать а восстанавливаются(в том числе и благодаря израилю) они моментально)

    евреи на ошибках никогда не учатся.а нетаньяхера уже давно пора отправлять в отставку.

Цяпер чытаюць

«Будуць сядзець. Нават калі ў пяць, дзесяць разоў больш будзе». Лукашэнка не збіраецца спыняць рэпрэсіі, хоць Коўл і просіць21

«Будуць сядзець. Нават калі ў пяць, дзесяць разоў больш будзе». Лукашэнка не збіраецца спыняць рэпрэсіі, хоць Коўл і просіць

Усе навіны →
Усе навіны

«Купалаўцы» прэзентавалі сваю версію «Адысеі» — там міфалагічныя выпрабаванні суіснуюць са штодзённымі цяжкасцямі беларусаў1

Сі Дзіньпін заклікаў цалкам забараніць і знішчыць ядзерную зброю18

«Божа, барані нас ад такіх сяброў». Туск адрэагаваў на сустрэчу Трампа з Пуціным1

«Гэта не пра наш менталітэт». Лукашэнка заявіў, што суддзі не могуць адгарадзіцца ад народа сцяной закона3

Як унучка Лукашэнкі з мужам і сынам адпачылі ў Дубаі10

Трамп, Пуцін і Сі пачалі трохбаковую сустрэчу ў Шэньджэні

У Пецярбургу беларуска цяжка параніла нажом сужыцеля. Яе хацелі пасадзіць на тры гады, але абышлося5

Стэндап-комік Элдос Алмазаў памёр ва ўзросце 29 гадоў

У Бразіліі людзі з ізаляванай групы выйшлі з лесу і папрасілі ежы. Гэта трывожны знак ВІДЭА8

больш чытаных навін
больш лайканых навін

«Будуць сядзець. Нават калі ў пяць, дзесяць разоў больш будзе». Лукашэнка не збіраецца спыняць рэпрэсіі, хоць Коўл і просіць21

«Будуць сядзець. Нават калі ў пяць, дзесяць разоў больш будзе». Лукашэнка не збіраецца спыняць рэпрэсіі, хоць Коўл і просіць

Галоўнае
Усе навіны →

Заўвага:

 

 

 

 

Закрыць Паведаміць