Прапагандыст Шпакоўскі парадаваў чыноўнікаў у М'янме кнігамі і песнямі
13 лютага прапагандыст Аляксандр Шпакоўскі, які ў мінулым годзе быў прызначаны дэпутатам Палаты прадстаўнікоў, сустрэўся ў сталіцы М'янмы Нейп'ідо з мясцовым міністрам інфармацыі У Маўнг Маўнг Онам, піша Reform.news на падставе паведамленняў мясцовай прэсы.
У м'янманскім выданні The New Light of Myanmar Шпакоўскі фігуруе як старшыня Выканаўчага камітэта па супрацоўніцтве паміж М'янмай і Беларуссю — што гэта за арганізацыя, невядома.
«Падчас сустрэчы Шпакоўскі перадаў міністру копіі зборніка «Выбраныя апавяданні М'янмы» і «38 гісторый Мінгала» (на рускай і м'янманскай мовах), а таксама чатыры песні пра М'янму, напісаныя беларускім кампазітарам», — гаворыцца ў паведамленні.
Акрамя таго, беларускі прапагандыст «абмеркаваў пытанні супрацоўніцтва ў сферы медыя паміж М'янмай і Беларуссю».
Акрамя міністра інфармацыі, на сустрэчы са Шпакоўскім прысутнічалі таксама ягоны намеснік і іншыя афіцыйныя асобы ведамства.
У сваіх сацыяльных сетках Шпакоўскі пра гэтую паездку і сустрэчу пакуль не паведамляў.
«Не падайце духам, паручык Шпакоўскі». Як беларускія прапагандысты і аналітыкі рэагуюць на падзеі ў Сірыі
Прабеларускія лукашысты яднаюцца супраць прарасійскіх
«Гігін і Шпакоўскі — таксама Беларусь, мы такія, як яны»
Шпакоўскі: На нас павінны баяцца напасці
Шпакоўскі пагражае расійскаму «Коммерсанту» блакіроўкай на тэрыторыі Беларусі
Каментары