Усяго патроху11

Гомельскага камуніста затрымалі за падпіску на «экстрэмісцкія» рэсурсы — цяпер ён ездзіць па калгасных палях

Аляксандр Лебедзеў, малады камуніст з Гомеля, быў затрыманы ў 2023 годзе за падпіску на «экстрэмісцкія» рэсурсы. Тады Лебедзеў выкладаў хімію ў адной з гомельскіх школ, але з таго часу памяняў сваё жыццё.

Фота: тг-канал «Дневник почвоведа»

Аляксандр трапіў за краты ў жніўні 2023-га, але правёў там толькі адну ноч — ранкам яго «вызвалілі» бацькі. На той час хлопец, акрамя працы ў школе, належаў да БРСМ і камуністычнай партыі, а таксама да аб’яднання «Патрыёты Беларусі». 

Пасля затрымання паплечнікі не падтрымалі Аляксандра — яго пажадалі выключыць і з камуністаў, і з «Патрыётаў Беларусі».

Цяпер, праз паўтара года, ён больш не выкладае ў школе, а перайшоў да практычнай навукі і ўладкаваўся аграхімікам-глебазнаўцам у абласную праектна-вышукальную станцыю хімізацыі сельскай гаспадаркі.

Свае цяперашняе жыццё Аляксандр фіксуе ў тэлеграм-канале, дзе на сёння 7 падпісчыкаў, а таксама ў сацсетках.

Праўладным актывістам хлопец быць не перастаў — напрыклад, разам з «Патрыётамі Беларусі» ён віншаваў ветэрана з Новым годам, а таксама не забыў праагітаваць за Лукашэнку на прэзідэнцкіх «выбарах» і падпісацца за яго вылучэнне.

Таксама Лебедзеў бывае на традыцыйных мітынгах на 7 лістапада, дзе звычайна збіраюцца нашмат старэйшыя за яго людзі.

Фота: a.lebedev.official / Instagram

У сваім тэлеграм-канале Аляксандр публікуе здымкі з розных гомельскіх вёсак, якія ён наведвае па працы. Хлопцу ўсё цікава — ад памятных камянёў да ежы ў калгаснай сталоўцы.

Фота: тг-канал «Дневник почвоведа»

Аляксандр апублікаваў некалькі фота з вяскоўцамі — напрыклад, з баяністам на сельскай дыскатэцы ці трактарыстам. Але падобна, што найбольш яго натхняе прырода.

Выглядае, што былы член кампартыі нарэшце знайшоў сябе.

Фота: a.lebedev.official / Instagram

«Наша Нiва» — бастыён беларушчыны

ПАДТРЫМАЦЬ

Каментары1

  • Ёсік
    28.02.2025
    Ці жыў ты пад тым сьцягам?

На канцэрт Кадышавай у Мінску ў какошніках прыйшлі нават мужчыны85

На канцэрт Кадышавай у Мінску ў какошніках прыйшлі нават мужчыны

Усе навіны →
Усе навіны

УСУ ўдарылі па Крымскім мосце. Рух транспарту спынены15

Турысты накідалі ў фантан Трэві амаль на 200 тысяч еўра менш пасля таго, як падыход да яго зрабілі платным4

Кітайскі маркетплэйс Temu сам прапанаваў беларусцы супрацоўніцтва, але зліўся, калі даведаўся яе грамадзянства13

Мінабароны расказала, як над Беларуссю збіваюць заблукалыя дроны2

З Янам Памедорам Рэуцкім развіталіся ў Варшаве

Канкурэнт Starlink страціў 40 спадарожнікаў: ракета не даляцела да арбіты

Сабаленка адкацілася на трэцяе месца ў сусветным рэйтынгу

Сэрца — амаль адзіны орган, які не хварэе на рак. Навукоўцы пачынаюць разумець чаму1

Грэцкі агонь, антыкітэрскі механізм, сільфій ды іншыя страчаныя вынаходніцтвы. Чаму чалавецтва іх забыла?1

больш чытаных навін
больш лайканых навін

На канцэрт Кадышавай у Мінску ў какошніках прыйшлі нават мужчыны85

На канцэрт Кадышавай у Мінску ў какошніках прыйшлі нават мужчыны

Галоўнае
Усе навіны →

Заўвага:

 

 

 

 

Закрыць Паведаміць