Свет

Стармер збірае ў Лондане еўрапейскіх лідараў і Зяленскага, каб прыняць рашэнні па выніках перамоў з Трампам

На сустрэчу запрошаныя лідары Францыі, Германіі, Італіі, Іспаніі, Польшчы, скандынаўскіх краін, Румыніі, а таксама Турцыі, НАТА і ЕС.

Кір Стармер. Фота: Carl Court/Pool Photo via AP

Прэм’ер-міністр Вялікабрытаніі Кір Стармер запрасіў больш за дзесяць еўрапейскіх лідараў на саміт па пытаннях Украіны і бяспекі, які адбудзецца 2 сакавіка, піша «Еўрапейская праўда» са спасылкай на AFP.

На сустрэчу запрошаныя лідары з усёй кантынентальнай Еўропы, у тым ліку Францыі, Германіі, Даніі, Італіі, а таксама прадстаўнікі Турцыі, НАТА і Еўрапейскага саюза.

Падчас сустрэчы з прэзідэнтам ЗША Дональдам Трампам 27 лютага Стармер таксама запрасіў лідараў Нідэрландаў, Нарвегіі, Польшчы, Іспаніі, Фінляндыі, Швецыі, Чэхіі і Румыніі.

Чакаецца ўдзел генеральнага сакратара НАТА Марка Рутэ, а таксама кіраўнікоў Еўракамісіі Урсулы фон дэр Ляен і Еўрарады Антоніу Кошты.

Напярэдадні саміта Стармер правядзе ранішнюю тэлефонную размову з краінамі Балтыі. Пасля гэтага ён сустрэнецца з прэзідэнтам Украіны Уладзімірам Зяленскім на Даўнінг-стрыт, каб абмеркаваць вайну з Расіяй.

Таксама запланаваныя перамовы сам-насам паміж Стармерам і прэм’ер-міністрам Італіі Джорджа Мелоні.

У офісе брытанскага прэм'ера заявілі, што саміт будзе пабудаваны на перамовах у Парыжы, якія раней у гэтым месяцы правёў прэзідэнт Францыі Эманюэль Макрон, і засяродзіцца на «ўмацаванні пазіцыі Украіны цяпер — уключаючы працяглую вайсковую падтрымку і ўзмацненне эканамічнага ціску на Расею».

Таксама на сустрэчы зноў падкрэслены неабходнасць «трывалага доўгачасовага пагаднення, якое забяспечыць пастаянны мір» і абмяркуюць «наступныя крокі па планаванні трывалых гарантый бяспекі».

Акрамя таго, Стармер зноў будзе настойваць на тым, што Украіна павінна быць часткай любых перамоў, накіраваных на спыненне трохгадовай вайны з Расеіяй. Ён таксама прызнае «неабходнасць для Еўропы гуляць сваю ролю ў абароне і актывізавацца на карысць калектыўнай бяспекі».

Каментары

Цяпер чытаюць

Крымскі мост зруйнаваны ўдарам ракет «Фламінга»

Усе навіны →
Усе навіны

У Бабруйску мужчына перарабляў сігнальныя пісталеты ў баявыя1

Як Джэнсэн Хуанг адкрыў Кітаю абводную дарогу да ўдзелу ў ШІ-гонцы5

У Гродне раварыст насмерць збіў пенсіянера2

З’явіліся спадарожнікавыя здымкі пашкоджанняў Крымскага моста пасля ўкраінскай атакі5

Аляксандр Ярашук: Мяне бессэнсоўна ламаць — я не здраджу сваім прынцыпам і каштоўнасцям2

Беларус на юнацкай Алімпіядзе заваяваў бронзу ў брэйкінгу. Вось як яго сустрэлі дома2

У Малдове адмянілі канцэрт беларускага музыкі ДзіДзюЛі пасля зваротаў украінскіх дыпламатаў24

Пад Уроцлавам знайшлі магілу аднаго з пачынальнікаў Слуцкага паўстання. Пасля вайны ён схаваўся ў Сілезіі і выдаваў сябе за матэматыка са Львова2

ЕС уводзіць санкцыі супраць заснавальніцы Wildberries Таццяны Кім8

больш чытаных навін
больш лайканых навін

Крымскі мост зруйнаваны ўдарам ракет «Фламінга»25

Крымскі мост зруйнаваны ўдарам ракет «Фламінга»

Галоўнае
Усе навіны →

Заўвага:

 

 

 

 

Закрыць Паведаміць