У Гродне таксіст збіў сабаку і паехаў. Жывёліне дапамагаюць добрыя гараджане
Вечарам 2 сакавіка ў гродзенскім двары кіроўца таксі збіў сабаку. Цяпер яму дапамагаюць мясцовыя жыхары, распавядае «Авто Гродно».
Пацярпелага сабаку адразу заўважылі гараджане. Машыну кіроўцы паспелі сфатаграфаваць, а выццё сабакі пачуў гарадзенец Андрэй.
«Сабака так гучна крычаў ад болю, што нават мой кот Цімафей стаў шустра бегаць па кватэры ў спробах зразумець, хто так крычыць. Я выйшаў на вуліцу з вадой і ежай. Каля сабакі ўжо былі добрыя людзі, якія сталі дапамагаць жывёліне, а яшчэ і нумар аўтамабіля таксі запісалі», — расказаў ён.
Адна маладая пара адвезла сабаку ў клініку на вуліцы Суворава — заплаціла за абследаванне і ўколы. У чарзе да лекара іх хутка прапусцілі.
Аказалася, што ў сабакі зламанае сцягно і патрэбна аперацыя. Гэтую аплату вырашылі паспрабаваць зрабіць праз арганізацыю «Адданае сэрца». На бланках у клініцы сабаку прыдумалі мянушку — Алы.
Цяпер Алы жыве ў Андрэя на ператрымцы, але мужчына просіць адгукнуцца ўладальнікаў жывёлы ці тых, хто гатовы дапамагчы.
«Сёння вечарам будзем спрабаваць праапераваць. Ветэрынарны хірург у нас у горадзе, аказваецца, адзін, і ён нарасхват», — тлумачыць гарадзенец.
Цяпер чытаюць
Вось якое хараство за 40 мільёнаў даляраў прадае сябар-трэнер Лукашэнкі2
Вось якое хараство за 40 мільёнаў даляраў прадае сябар-трэнер Лукашэнкі
«Паставілі палаткі, развялі вогнішчы». МУС пацвердзіла затрыманне 350 чалавек пад Расонамі. Знайшлі і аргумент: «Многія ў голым выглядзе перад малалетнімі»1010
«Паставілі палаткі, развялі вогнішчы». МУС пацвердзіла затрыманне 350 чалавек пад Расонамі. Знайшлі і аргумент: «Многія ў голым выглядзе перад малалетнімі»10
У Шэймана знайшлі яшчэ адну магчымую каханку і сына. Сакратарка без вышэйшай адукацыі за лічаныя гады стала ўласніцай раскошных дамоў і гандлёвага цэнтра2828
Каментары