«Ад гэтага мяне ўжо бамбіць гадоў пяць». Беларуска абураецца, што немагчыма з Мінска даехаць да Мазыра — няма квіткоў
Жыхарка Мазыра не можа зразумець, чаму нельга пусціць столькі транспарту, колькі неабходна пасажырам.
Дзяўчына ў тыктоку расказала, што не змагла купіць квіток дадому на 15 сакавіка, хоць спрабавала зрабіць гэта яшчэ 20 лютага.
«Ад гэтага мяне ўжо бамбіць гадоў пяць. Напрамак Мінск—Мазыр або Мазыр—Мінск — усё нармальна, хлопцы? Мала таго, што падчас майго ўніверсітэцкага жыцця чатыры гады не было наогул прамога цягніка да Мазыра, але, дзякуй богу, зараз пусцілі новы. А нічога, што на яго немагчыма купіць квіткі? Я хацела 15 сакавіка з'ехаць дадому. Я зайшла сёння на БЧ і што вы думаеце? Няма свабодных месцаў», — абураецца яна.
Watch on TikTok
Дзяўчына не можа зразумець, чаму калі такая загрузка цягнікоў і так хутка раскупляюць квіткі, не пусціць дадатковы цягнік?
Яна сцвярджае, што і з маршруткамі «сітуацыя не лепшая».
«А тое, што ў адзін напрамак білет стаў каштаваць 33 рублі, я наогул маўчу, калі шчыра, калі раней у барадаты 2019 год я ездзіла за 11», — дадае яна.
Дзяўчына кажа, што такія праблемы не толькі з гэтым кірункам.
«Я проста шчыра не магу зразумець, чаму нельга пусціць па Беларусі больш транспарту, каб людзі маглі даехаць з Мінска дадому проста спакойна. Можа быць, я, вядома, чагосьці не ведаю, але я ўжо не магу. Гэта мяне ўжо прыводзіць у шаленства, бамбіць канкрэтна», — кажа яна.
Пратасевіч: У мяне няма ніякіх перспектыў, я нікому не патрэбен22
Каментары