Грамадства1919

«Мельнікава пазычала грошы актывістам у Варшаве і не прасіла вярнуць»

Зніклая спікерка Каардынацыйнай рады Анжаліка Мельнікава нідзе не працавала ў Польшчы, але вяла даволі заможны лад жыцца, піша польскае выданне «Rzeczpospolita».

Анжаліка Мельнікава, хоць і не працавала ў Польшчы і не атрымлівала заробку (нават як кіраўнік фонду Belarus Liberty Foundation), у калег стварала ўражанне, што яна — заможны чалавек, піша выданне. 

Як спікерка Каардынацыйнай рады яна нават стварыла ўласны прыз у 10 тысяч еўра для людзей, якія маюць новыя ідэі і хочуць рэалізаваць розныя праекты.

Яна адмовілася нават ад заробку, таму што ў арганізацыі крызісная сітуацыя і няма сродкаў, распавёў выданню намеснік старшыні Аб’яднанага пераходнага кабінету Павал Латушка.

Паводле яго слоў, Мельнікава нават пазычала грошы некаторым беларускім апазіцыянерам у Варшаве і «не патрабавала вяртання».

— Пасля таго, як амерыканцы спынілі фінансавую падтрымку, яна ў студзені за свае грошы прафінансавала пасяджэнне Каардынацыйнай рады, прысвечанае злачынствам рэжыму Лукашэнкі, змагалася за прызнанне Каардынацыйнай рады іншымі краінамі і, выступаючы ў Парламенцкай асамблеі Рады Еўропы, патрабавала не прызнаваць Лукашэнку прэзідэнтам і прыцягнуць яго да крымінальнай адказнасці ў адпаведнасці з міжнародным правам, — кажа Латушка.

Ён сцвярджае, што дзейнасць жанчыны «не выклікала ніякіх падазрэнняў». 

Адкуль яна ўзяла грошы ў Польшчы? Мельнікава нібыта тлумачыла сваім сябрам, што гэта таму, што яе муж — праграміст, працаваў у Польшчы, добра зарабляў. Між тым, як распавядала Мельнікава, з мужам яна была ў разводзе. 

Пра знікненне спікеркі Каардынацыйнай рады Анжалікі Мельнікавай яе калегі паведамілі ўвечары 28 сакавіка. У заяве Паўла Латушкі гаварылася, што сувязь адсутнічае з 25 сакавіка, аднак гаворка ідзе пра анлайн-камунікацыю. Насамрэч Мельнікаву ўжывую не бачылі ўжо даўным-даўно. Пазней стала вядома, што Анжаліка Мельнікава пакінула тэрыторыю Еўрасаюза 26 лютага, а яе былы муж з'ехаў з Польшчы ў Беларусь 3 сакавіка.

7 красавіка журналістам «Люстэрка» ўдалося паразмаўляць з былым мужам Анжалікі Мельнікавай, які пацвердзіў, што знаходзіцца ў Беларусі, а дзеці — пры ім. Бацькі Мельнікавай у размове з журналістам «Еўрарадыё» таксама пацвердзілі, што дзеці знаходзяцца ў Беларусі, а пра месцазнаходжанне самой Анжалікі яны самі нічога не ведаюць і трывожацца.

8 красавіка віцэ-спікерка Каардынацыйнай рады Станіслава Гліннік, якая цяпер выконвае абавязкі спікеркі, паведаміла, што 13 сакавіка з акаўнта Анжалікі Мельнікавай былі спампаваныя файлы, да якіх яна мела доступ у рамках працы Каардынацыйнай рады. Сярод іх — стратэгічны план, бюджэт, унутраныя даклады і іншыя аперацыйныя матэрыялы пачынаючы з ліпеня 2024 года.

10 красавіка тэлеканалу «Белсат» стала вядома, што з рахунка фонду Białoruś Liberty, заснаванага Анжалікай Мельнікавай, знялі грошы. Зрабіла гэта яна сама ці хто іншы, пакуль невядома. 

14 красавіка стала вядома, што расследаванне знікнення Анжалікі Мельнікавай у Польшчы перавялі на больш высокі ўзровень — замест Варшаўскай акруговай пракуратуры гэтым будзе займацца Нацыянальная пракуратура. На думку следчых, справу павінны расследаваць пракуроры, якія займаюцца найбольш важнымі справамі, у тым ліку пытаннямі шпіянажу.

Каментары19

  • Давераная крыніца Лявончыка
    17.04.2025
    Ёсць падставы меркаваць, з пэўных сведчанняў, якія не можам пакуль пацьвердзіць, што з Лёндана, з якога яна, магчыма, дакладна вылецела, яна скіравалася ў Дубай. Падключылі экспэртку па рэгіёне Зарэцкую і працуем далей. Рэгіён нетанны, просім падтрымаць данатамі, якія будуць патроеныя нашымі партнёрамі ў гэтай краіне дальняй дугі.
    Сітуацыя там няпростая, як раней пісалі незалежныя СМІ: https://nashaniva.com/364407
  • Не маніце
    17.04.2025
    [Рэд. выдалена]
  • Жэншчына Робин Гуд
    17.04.2025
    У богатых берёт, а бедным даёт

Цяпер чытаюць

Памятаеце бяздомнага блогера, які пасля пратэстаў перабраўся ў Польшчу? Цяпер ён жыве на Лазурным беразе22

Памятаеце бяздомнага блогера, які пасля пратэстаў перабраўся ў Польшчу? Цяпер ён жыве на Лазурным беразе

Усе навіны →
Усе навіны

На пуцеправодзе паміж Каменнай Горкай і Лебядзіным у Мінску ўжо ўключаюць падсветку ФОТАФАКТ

У Мінску з аўкцыёну прадаюць культавы амерыканскі пікап. Ён у жахлівым стане, але каштуе дорага1

12‑гадовая дачка бізнэсмена Зінгмана перамагла ў расійскім аналагу дзіцячага «Еўрабачання»24

У лесе на мяжы Беларусі з Латвіяй знік кеніец. Яго шукаюць сваякі3

У Атлантычным акіяне імкліва разрастаецца гіганцкі пояс водарасцяў1

Правялі лёсаванне чвэрцьфіналаў футбольнай Лігі нацый3

Трамп: Пуцін сказаў мне, што не пайшоў бы вайной на Украіну, калі б я тады быў прэзідэнтам18

Проста зняць лазню ў аграсядзібе больш не выйдзе. Для ўладальнікаў і гасцей запрацавалі новыя правілы6

Пасля выкрыцця спробы палітычнага забойства Данія абмяжоўвае выдачу віз расіянам і выкідае з краіны расійскага аташэ

больш чытаных навін
больш лайканых навін

Памятаеце бяздомнага блогера, які пасля пратэстаў перабраўся ў Польшчу? Цяпер ён жыве на Лазурным беразе22

Памятаеце бяздомнага блогера, які пасля пратэстаў перабраўся ў Польшчу? Цяпер ён жыве на Лазурным беразе

Галоўнае
Усе навіны →

Заўвага:

 

 

 

 

Закрыць Паведаміць