Аўто3232

Беларусы ў Літве набываюць сабе патрыятычныя аўтамабільныя нумары. Вось колькі гэта каштуе

На аўтамабільных нумарах у Літве можна ўбачыць не толькі камбінацыі з лічбаў і літар, але і розныя словы. Часам на дарогах сустракаюцца машыны з назвамі беларускіх гарадоў на нумары. Расказваем, як такое магчыма.

Audi a3 з нумарным знакам МЕНСК1. Фота: «Наша Ніва»

Адзін з прыкладаў такога аўто — кабрыялет Audi A3 з нумарным знакам МЕНСК1 і налепкай у выглядзе беларускага нацыянальнага сцяга на бамперы.

Як такое магчыма і колькі каштуе

Калі ў Беларусі аўтамабільныя нумары можна выбіраць толькі ў фармаце «чатыры лічбы і дзве літары», то ў Літве за дадатковую плату можна замовіць індывідуальны аўтамабільны нумар.

Цяпер такая паслуга каштуе 2500 еўра, але да 15 студзеня 2024 года індывідуальныя нумарныя знакі ў Літве можна было замовіць за 1500 еўра.

На нумарах, выдадзеных раней і па старых цэнах, адсутнічае герб Літвы (нумары з гербам пачалі выдаваць з 1 кастрычніка 2023 года).

Што можа быць замест стандартных камбінацый

Згодна з літоўскімі правіламі, на індывідуальных нумарах можа быць не больш за 6 знакаў, адзін з якіх абавязкова мусіць быць лічбай.

Гэта тлумачыць, чаму на нумарах, апроч слова МЕНСК, ёсць лічба 1.

Пры гэтым нумарны знак толькі з лічбамі ці нават з адной лічбай таксама мае права на існаванне.

Апроч Audi з нумарам МЕНСК1, у сацсетках можна было пабачыць нумарныя знакі GR0DN0, дзе замест літары «о» выкарыстоўваюцца нулі.

Фота: сацсеткі

Іншы аўтамабіль з назвай беларускага горада — уседарожнік BMW, на нумарах якога напісана P1NSK. Гэты нумар, у адрозненне ад першых двух, ужо з гербам.

Фота: сацсеткі

Пра тое, па якіх цэнах перапрадаюць беларускія блатныя аўтамабільныя нумары з васьмёркай, можна прачытаць тут.

Каментары32

  • Мх
    15.04.2025
    Масква ў галаве "GR0DN0".
  • Z1AN0N
    15.04.2025
    Гродно - гэта верх ганьбы! Нават летувісы называюць па-свойму, не апускаючыся да маскальшчыны.
  • Піжоны
    15.04.2025
    Бачна, што гэта ўсё з адной паркоўкі нават. Давайце з трох разоў здагадаемся, што гэта за "выпадковыя беларусы", якія набываюць нумары такія. Хаця маглі б тыя тысячы еўра скіраваць на падтрымку палітвязняў ці на дроны ў Полк Каліноўскага.

Цяпер чытаюць

Від на Каложскую царкву безнадзейна сапсаваны41

Від на Каложскую царкву безнадзейна сапсаваны

Усе навіны →
Усе навіны

Гіганцкі фантан працаваў сёння раніцай у Мінску

Памерла Ганна Садоўская — дзяячка польскай супольнасці ў Ваўкавыску1

«Лік ідзе на хвіліны, а сваякі павінны бегаць па вуліцы і шукаць мужчын». Ці павінна хуткая дапамога выносіць пацыента з кватэры?13

«Пад канвоем вывезлі нас з мяжы». Расійская блогерка расказала пра затрыманне мужа на беларускай мяжы праз падпіску5

Памёр 87‑гадовы турэцкі мільярдэр, уласнік мінскай Crowne Plaza. Але грошай не пакінуў ні жонцы-беларусцы, ні чатыром дзецям62

Стваральніца Belaruskicry упершыню пасля доўгай паўзы расказала, што цяпер з брэндам пасля прызнання яго экстрэмісцкім1

З цягніка зблізку знялі на відэа разбураную частку Крымскага моста8

У цэнтры Мінска на мосце 21‑гадовы перакуліўся на BMW. Момант трапіў на відэа2

Правакацыя з вялікай колькасцю ахвяр і абвінавачваннем Украіны. Стала вядома, якую правакацыю рыхтавалі на польска-расійскай мяжы7

больш чытаных навін
больш лайканых навін

Від на Каложскую царкву безнадзейна сапсаваны41

Від на Каложскую царкву безнадзейна сапсаваны

Галоўнае
Усе навіны →

Заўвага:

 

 

 

 

Закрыць Паведаміць