Губернатар Прыморскага краю РФ патлумачыў, чаму не ідзе будаўніцтва беларускага порта
Праект па стварэнні сумеснага марскога порта Беларусі і Прыморскага краю чакае зніжэння банкаўскай стаўкі, ён нікуды не адкладзены, заявіў журналістам у Мінску губернатар рэгіёну Алег Кажамяка пасля сустрэчы з Аляксандрам Лукашэнкам, перадае Sputnik.
«Мы праекты па порце нікуды не прыбіраем, адклалі проста. Таму што цяпер рэальна высокая банкаўская стаўка, якая, безумоўна, ляжа на інфраструктуру, на кошт транзіту, таму зараз пачакаем, але прыйдзе час, калі яна знізіцца да разумных межаў», — сказаў Алег Кажамяка.
Паводле яго слоў, зыходзячы з гэтага і будзе далейшая работа.
«Мы гэтыя рэчы таксама прагаворваем, трымаем гэта ў галаве. У нас гатовыя партнёры з расійскага боку, з кітайскага боку. Таму спадзяёмся, што ў канцы 2025 года — пачатку 2026-га адбудуцца змяненні ключавой стаўкі, і мы тады зможам прадоўжыць работу», — сказаў губернатар.
Тэма ўдзелу беларускага боку ў будаўніцтве марскога порта ў Прыморскім краі і раней абмяркоўвалася падчас візіту Кажамяка ў Мінск. У адзін з папярэдніх візітаў да Лукашэнкі ён расказаў журналістам, што Беларусь і Прыморскі край прадаўжаюць дзейнасць над стварэннем сумеснага марскога порта. Паводле яго слоў, у рамках развіцця Паўночнага марскога шляху гэты план вельмі цікавы.
Раней прэзідэнт РФ Уладзімір Пуцін заяўляў, што на Далёкім Усходзе можа з'явіцца новы глыбакаводны порт пры ўдзеле Беларусі і КНР.
Ён таксама падкрэсліваў, што Беларусь прадметна разглядае развіццё партовай інфраструктуры і тэрміналаў на Кольскім паўвостраве, які з'яўляецца часткай Паўночнага марскога шляху.
Беларусь пабудуе ў Мурманску порт для перавалкі грузаў магутнасцю 25-30 млн тон
Порт для Беларусі ў Мурманску будзе будаваць былы дырэктар «Белшыны», якога год таму арыштоўвалі
Хто такая Нэлі Малярова, якая будзе будаваць беларускі порт у Мурманску?
Праект беларускага порта ў Мурманску застаецца актуальным?
Беларусь адмовілася будаваць свой порт у Расіі
Сотні рублёў, каб эфектна даведацца пол будучага дзіцяці: беларусы робяць усё больш маштабныя гендар-паці3
Каментары