У Мінску бяздомны выганяў чорта з прыпаркаванай машыны і разбіў бутэлькай шкло
Мужчына выпіў дзве бутэлькі віна і пачаў змагацца з нячыстай сілай. Гэта прывяло яго ў СІЗА.
У фатальны для сябе дзень бяздомны сабраў металалом, здаў яго ў пункт прыёму, а на атрыманыя грошы купіў дзве бутэлькі віна.
Мужчына размясціўся ў двары на вуліцы Янкоўскага і выпіў. Раптам яму здалося, што ў прыпаркаванай паблізу Geely Atlas сядзіць чорт. 49-гадовы бяздомны вырашыў змагацца з нячыстай сілай. Ён узяў у руку пустую шкляную бутэльку і пачаў біць па кузаве машыны. Бяздомны разбіў шкло і пашкодзіў дзверы.
Байца з нячыстай сілай затрымалі мінакі, яго перадалі прыехаўшаму нараду міліцыі. На бяздомнага завялі крымінальную справу за хуліганства. Шкоду склала 400 рублёў, пішуць «Мінск-Навіны».
У пракуратуры расказалі, што мужчына ўжо 12 разоў прыцягваўся да крымінальнай адказнасці. Віну ў пашкоджанні машыны ён прызнаў, але шкоду не кампенсаваў. Эксперты прыйшлі да высновы, што бяздомнага трэба прымусова лячыць ад алкагалізму і наркаманіі. Пакуль мужчыну ўзялі пад варту да суда.
Цяпер чытаюць
Што вядома пра Максіма Палянскага і Мікалая Свірыдава — беларускіх альпіністаў, якія зніклі ў гарах Кыргызстана1
Каментары
Ja pravieryū, nie bylo tam nikoha, pad stalom, alie zrabiū vyhliad, što tak, što jon tam, cipa adpačnie i pojdzie preč, kab toj nie chvaliavaūsia. Jon i zasnuū adrazu ū kreslie... Ranicoju ūsio bylo dobra, alie heta zvanočak... A što rabic` ???