Федэральны суддзя ў Вашынгтоне распарадзіўся, каб Агентства ЗША па глабальных медыя (USAGM) пералічыла «Радыё Свабодная Еўропа/Радыё Свабода» сродкі, ужо выдзеленыя Кангрэсам ЗША, піша «Настоящее время».
Cуддзя Ройс Ламберт выдаў часовы забаронны ордэр, у якім гаворыцца, што «сродкі, выдзеленыя рашэннем Кангрэсу, павінны быць перададзены РСЕ/РС». Суддзя падкрэсліў, што прэзідэнт Дональд Трамп таксама падпісаў адпаведны законапраект. У пастанове гаворка ідзе пра 12 мільёнаў даляраў, якія павінны былі быць выдзелены ў красавіку.
Прадстаўнікі Белага дома не пракаментавалі рашэнне суддзі.
«Сённяшняе рашэнне, якое абавязвае USAGM выдзеліць месячную долю з гадавога бюджэту РСЕ/РС, зацверджанага Кангрэсам, азначае, што нашы журналісты змогуць працягваць сваю працу, прыцягваючы дыктатараў і дэспатаў да адказнасці, — гаворыцца ў заяве прэзідэнта РСЕ/РС Стывена Капуса. — Мы спадзяёмся неадкладна атрымаць сродкі, не выдзеленыя ў красавіку, бо ў гэтым месяцы мы былі вымушаны адправіць супрацоўнікаў у вымушаны водпуск і скараціць праграмы для рэгіёнаў, што маюць крытычнае значэнне для нацыянальнай бяспекі ЗША».
У сакавіку USAGM — арганізацыя-апякунка РСЕ/РС — абвясціла пра замарожванне прыкладна 75 мільёнаў даляраў, выдзеленых Кангрэсам на фінансаванне дзейнасці РСЕ/РС у цяперашнім фінансавым годзе. Гэтае рашэнне прыняло часовае кіраўніцтва USAGM на падставе ўказа прэзідэнта ЗША Дональда Трампа, які прадугледжваў скарачэнне неэфектыўнага выкарыстання сродкаў амерыканскіх падаткаплатнікаў.
«Радыё Свабодная Еўропа/Радыё Свабода» аспрэчыла законнасць дзеянняў кіраўніцтва USAGM у федэральным акружным судзе ў Вашынгтоне. 25 сакавіка суддзя Ламберт вынес пастанову на карысць РСЕ/РС, аднак арганізацыя-апякунка не пералічыла сродкі, вылучыўшы іх выдачу непрымальнымі ўмовамі. У выніку Радыё Свабода была вымушана зноў звярнуцца ў суд.
«Мы будзем працягваць судовыя дзеянні і супрацоўнічаць з USAGM, каб забяспечыць выплаты на астатнюю частку фінансавага года», — падкрэсліў Стывен Капус.
«Радыё Свабодная Еўропа/Радыё Свабода» — незалежная медыякарпарацыя, праца якой фінансуецца за кошт сродкаў, што выдзяляюцца Кангрэсам ЗША праз Агентства па глабальных медыя. 14 сакавіка 2025 года прэзідэнт ЗША Дональд Трамп падпісаў указ аб скарачэнні дзейнасці сямі дзяржаўных агенцтваў, у тым ліку USAGM. Услед за гэтым з’явілася апавяшчэнне аб спыненні дзеяння зацверджанага Кангрэсам гранта, які фінансаваў дзейнасць РСЕ/РС.
Цяпер чытаюць
Прабітыя лёгкія, разарваная печань і сэкс з малалетняй: што адбываецца ўнутры беларускай міліцыі і як начальства гэта хавае24
Прабітыя лёгкія, разарваная печань і сэкс з малалетняй: што адбываецца ўнутры беларускай міліцыі і як начальства гэта хавае
«З расіян-наведнікаў працэнтаў 70 аказваліся ватнікамі». Экс-гід з музея ВАВ, якога затрымлівалі яго ж экскурсанты, цяпер папулярны ў Варшаве — пагутарылі з ім1414
Каментары